ডিজিটেল ডেস্কঃ বৃক্কৰ ৰোগত আক্ৰান্ত হৈছে, চিৰাং জিলাৰ বিজনী গাৰগাঁও দাসপাৰাৰ মেধাৱী ছাত্ৰী পূজা দাস (২২)। চলিত বৰ্ষত বিজনী মহাবিদ্যালয়ৰ পৰা স্নাতক ডিগ্ৰী লাভ কৰে এই ছাত্ৰী গৰাকীয়ে।
পূজা দাসক চিকিৎসাৰ বাবে প্ৰথমে গুৱাহাটী তাৰ পিছত চেন্নাইলৈ লৈ যোৱা হয় । দুয়োটা বৃক্কই বিকল হোৱা পূজা দাসক বৃক্কৰ ট্ৰান্সপ্লাণ্ট কৰাৰ পৰামৰ্শ প্ৰদান কৰে চিকিৎসকে।
সেই মৰ্মে পূজা দাসৰ মাতৃ স্বপ্না দাসে নিজৰ বৃক্ক দিয়াৰ বাবে প্ৰস্তুতি চলায়। কিন্তু এই সমস্ত চিকিৎসা প্ৰক্ৰিয়াত প্ৰয়োজন হ'ব ১৩ লাখ টকা।
নিজৰ ঘৰৰ কাষতে সৰুকৈ এখন চাহৰ দোকান দি কোনো মতে পৰিয়াল পোহপাল দিয়া পূজা দাসৰ পিতৃ সুধাংশু দাসৰ বাবে কন্যাৰ চিকিৎসাৰ্থে ১৩ লাখ টকা যুগুত কৰা একেবাৰে অসম্ভৱ।
যাৰ বাবে বন্ধ হৈ পৰে পূজা দাসৰ চিকিৎসা। সদৌ বিটিচি বাঙালী যুৱ ছাত্ৰ ফেডাৰেচনৰ প্ৰতিনিধি দলৰ লগতে স্থানীয় ৰাইজ দুৰ্ভগীয়া ছাত্ৰী গৰাকীৰ বাসগৃহত উপস্থিত হৈ স্বাস্থ্যৰ বুজ লোৱাৰ লগতে ছাত্ৰীগৰাকীৰ চিকিৎসাৰ বাবে মুখ্যমন্ত্ৰী ড০ হিমন্ত বিশ্ব শৰ্মা আৰু বিটিআৰৰ মুখ্য কাৰ্যবাহী সদস্য প্ৰমোদ বড়ো, বিজনীৰ বিধায়ক অজয় কুমাৰ ৰায় আৰু অসমবাসী ৰাইজক আৰ্থিক সাহায্য প্ৰদান কৰিবলৈ আহ্বান জনায়।
পূজা দাসক যদি কোনোবা ব্যক্তিয়ে আৰ্থিক সাহায্য দিব বিচাৰে তেন্তে অনলাইন যোগে দিব পাৰিব এই নম্বৰত 8822509930
Continue Reading
