ডিজিটেল ডেস্কঃ ডকাইতি কৰি প্ৰেয়সীক ৬০ লাখ টকা দিলে এজন যুৱকে। শেহতীয়াকৈ উত্তৰ প্ৰদেশৰ ইটাৱাত আৰক্ষীয়ে এটা ডকাইতৰ দল ধৰা পেলায়। এই ঘটনাত দম্পতীকে ধৰি ৬ জন লোকক আটক কৰিছে আৰক্ষীয়ে।
শেহতীয়াকৈ চহৰখনত ধাৰাবাহিকভাৱে ডকাইতি সংঘটিত হৈছে। দেওবাৰে আৰক্ষীয়ে গ্ৰেপ্তাৰ কৰে ৬ জন লোকক। আৰক্ষীয়ে তেওঁলোকক জেৰা কৰি আচৰিত হ’ল।
তদন্তকাৰীয়ে দাবী কৰা মতে, চক্ৰটোৰ মূল পাণ্ডা ২২ বছৰীয়া পৰাস তিৱাৰীয়ে প্ৰেমিক মহিমা সিঙৰ ইচ্ছা পূৰণৰ বাবেই এই ডকাইতি সংঘটিত কৰিছিল। এটাৰ পিছত এটাকৈ ডকাইতি কৰিছিল। এইদৰে তেওঁ মহিমাক মুঠ ৬০ লাখ টকা দিছিল।
ডকাইতিৰ সৈতে জড়িত আনকেইজন সহযোগী অমিত ছোনী, ৰাজা, দ্যানেশ্বৰ গুপ্তা আৰু দেৱেন্দ্ৰ বৰ্মা সোণাৰক গ্ৰেপ্তাৰ কৰা হৈছে। আৰক্ষীয়ে জানিবলৈ দিয়া মতে, ডকাইত চক্ৰটোৰ পৰা ৯ লাখ টকাৰ নগদ ধন আৰু ৮ লাখ টকাৰ গহনা উদ্ধাৰ কৰা হৈছে। আৰক্ষীয়ে উদ্ধাৰ কৰে দুটা অবৈধ আগ্নেয়াস্ত্ৰ, এটা দা আৰু তিনিটা সজীৱ কাৰ্টিজ। অধিক তদন্ত প্ৰক্ৰিয়া আৰম্ভ হৈছে।
Continue Reading
