ডিজিটেল ডেস্কঃ মহাৰাষ্ট্ৰৰ এগৰাকী মহিলা বিধায়কে এজন অভিযন্তাক ৰাজহুৱাভাৱে চৰ মৰাৰ ঘটনাই এতিয়া দেশজুৰি তীব্ৰ আলোড়ণৰ সৃষ্টি কৰিছে। তেওঁ অভিযন্তাজনক চৰ মৰাৰ উপৰি "অপদাৰ্থ " বুলিও দুৰ্ব্যৱহাৰ কৰা বুলি অভিযোগ উঠিছে। গীতা জৈন নামৰ নিৰ্দলীয় বিধায়িকাগৰাকীয়ে অভিযন্তাজনক চৰ মৰাৰ ভিডিঅ' ইতিমধ্যে ভাইৰেল হৈ পৰিছে।
প্ৰকৃততে কি ঘটিছিল? গীতা মহাৰাষ্ট্ৰৰ থানে জিলাৰ মীৰা ভায়ান্দৰৰ এগৰাকী বিধায়িকা। অলপতে প্ৰশাসনে সেই এলেকাৰ একাংশ বাসিন্দাক উচ্ছেদ কৰিছিল। জাননী অবিহনে এনেদৰে ঘৰ ভাঙি পেলোৱাৰ বাবেই অভিযন্তাগৰাকীৰ ওপৰত এনেদৰে তিঙিৰি তুলা হৈ পৰে বিধায়িকাগৰাকী।বিধায়কিকাগৰাকীয়ে কয় যে উচ্ছঠেদৰ বলি হোৱা লোকসকল এতিয়া ৰাস্তাত আছে।
তেওঁলোকৰ ভিতৰত মহিলা আৰু শিশুও আছে। অভিযন্তাজনৰ সৈতে এই বিষয়কলৈ যুক্তি তৰ্ক হৈ থকাৰ সময়তে বিধায়িকাগৰাকীয়ে খঙৰ ভমকত অভিযন্তাজনৰ চোলাত খামুচি ধৰে আৰু পূৰ্ণহতীয়া চৰ শোধায়। । গীতাই এই প্ৰসংগত কয় যে তেওঁ অভিযন্তাগৰাকীক হাঁহি থকা দেখিছিল ।অথচ গৃহহীন অসহায় মহিলাসকলে কান্দোনত ভাঙি পৰিছিল।
তথাপি অভিযন্তাজনে হাঁহি থকা বাবে তেওঁৰ ধৈৰ্য্য বান্ধ চিঙি গ’ল আৰু অভিযন্তাজনক চৰ মাৰিলে। বিষয়টো তেওঁ বিধানসভাতো উত্থাপন কৰিবকৰিব বুলি বিধায়িকাগৰাকীয়ে কয়।ইপিনে এগৰাকী জনপ্ৰতিনিধিয়ে আইন নিজৰ হাতত লৈ এগৰাকী চৰকাৰী বিষয়াক সকলোৰে সন্মুখতে চৰ মৰাৰ ঘটনাটোক বহুতেই সহজভাবে ল’ব পৰা নাই।
Continue Reading
