দক্ষিণৰ চলচ্চিত্ৰ উদ্যোগত নেতিবাচক চৰিত্ৰৰ জৰিয়তে মানুহৰ হৃদয় জয় কৰা অভিনেতা কবীৰ দুহান এতিয়া বিবাহসূত্ৰত বান্ধ খাইছে। হাৰিয়ানাৰ এগৰাকী শিক্ষকৰ সৈতে বিবাহপাশত আবদ্ধ হৈছে অভিনেতাগৰাকী। যাৰ কিছুমান ছবি তেওঁ অনুৰাগীৰ সৈতে ছ’চিয়েল মিডিয়াত শ্বেয়াৰ কৰিছে

Listen to Article

2 min read

80%

ডিজিটেল ডেস্কঃ দক্ষিণৰ চলচ্চিত্ৰ উদ্যোগত নেতিবাচক চৰিত্ৰৰ জৰিয়তে মানুহৰ হৃদয় জয় কৰা অভিনেতা কবীৰ দুহান এতিয়া বিবাহসূত্ৰত বান্ধ খাইছে। হাৰিয়ানাৰ এগৰাকী শিক্ষকৰ সৈতে বিবাহপাশত আবদ্ধ হৈছে অভিনেতাগৰাকী। যাৰ কিছুমান ছবি তেওঁ অনুৰাগীৰ সৈতে ছ’চিয়েল মিডিয়াত শ্বেয়াৰ কৰিছে। এই ছবিবোৰো এতিয়া ক্ৰমান্বয়ে ভাইৰেল হৈ পৰিছে।

কবীৰ দুহানে নিজৰ বিয়াৰ কিছু বিশেষ ছবি নিজৰ ইনষ্টাগ্ৰাম একাউণ্টত শ্বেয়াৰ কৰিছে। এই ছবিবোৰত কবীৰক দৰাৰ সাজ-পোছাক পৰিধান কৰি ক্ৰীম ৰঙৰ শ্বেৰৱানী পিন্ধা দেখা গৈছে। আনহাতে, লাল সুৰখ যোধনত কবীৰৰ কইনাক খুউব ধুনীয়া দেখা গৈছে। কবীৰ আৰু তেওঁৰ কইনাক মঞ্চত মালা পিন্ধি ইজনে সিজনৰ হাতত ধৰি থকা দেখা যায়। দ্বিতীয়খন ছবিত কবীৰে কইনাৰ শিৰত সেন্দূৰ দি আছে।

ছবিকেইখনৰ উপৰিও কবীৰে তেওঁৰ পত্নীৰ সৈতে বিয়াৰ এক সুন্দৰ ভিডিঅ’ও ইনষ্টাগ্ৰামত শ্বেয়াৰ কৰিছে। ইয়াত দুয়োকে বিয়াৰ মণ্ডপত বহি থকা দেখা যায়। এই কথা শ্বেয়াৰ কৰি অভিনেতাজনে লিখিছে - 'ঘৰলৈ স্বাগতম শ্ৰীমতী কবীৰ.'৷ উল্লেখযোগ্য যে কবীৰৰ পত্নীৰ নাম সীমা। যি হাৰিয়ানাৰ বাসিন্দা আৰু পেছাত শিক্ষক।