ডিজিটেল ডেস্ক: কালি আছিল সংবিধানৰ প্ৰনেতা বাবাছাহেব ড° ভীমৰাও আম্বেদকাৰৰ মৃত্যু বাৰ্ষিকী। কালি বেংগালুৰুৰ ৰাষ্ট্ৰীয় মহাবিদ্যালয় খেলপথাৰতে ডাঃ বি আৰ আমদেকাৰৰ ৬৬ সংখ্যক মৃত্যুৰ বাৰ্ষিকী উপলক্ষে আয়োজন কৰা হৈছিল ‘সাংস্কৃতিক প্ৰতিৰোধ সন্মিলন’। আনুমানিক ৫০ হাজাৰ লোকে অংশগ্ৰহণ কৰে উক্ত অনুষ্ঠানটিত। অনুষ্ঠানত বক্তাসকলে চৰকাৰৰ কথিত নিপীড়নমূলক নীতি, কৰ্ণাটকৰ লগতে সমগ্ৰ দেশতে বৃদ্ধি পোৱা জাতিভিত্তিক অত্যাচাৰক গৰিহণা দিয়ে।
সভাত ভাষণ দি আম্বেদকাৰৰ নাতিনীয়েক ৰামাবাই আনন্দ তেলটুম্বডে দলিতসকলক দেশৰ জ্বলন্ত সমস্যাসমূহৰ বোবা দৰ্শক হৈ নাথাকিবলৈ আহ্বান জনায়। ভাবুকিৰ সন্মুখীন হোৱা ভাৰতৰ সংবিধানখনক সুৰক্ষিত কৰাৰ বাবে প্ৰচেষ্টা চলাব লাগে বুলিও তেওঁ উল্লেখ কৰে।
তেওঁ কয়, ‘অন্যায়ৰ বিৰুদ্ধে আন্দোলন কৰিবলৈ আম্বেদকাৰে আমাক এটা বাৰ্তা দিছিল, কিন্তু দলিতসকলে আজিকালি কেনেকৈ প্ৰতিবাদ কৰিব লাগে পাহৰি গৈছে। যোৱা ৭ৰ পৰা ৮ বছৰে আমাৰ চাকৰি আৰু শিক্ষাৰ অধিকাৰ প্ৰত্যাহাৰ কৰা হৈছে। প্ৰাক-মেট্ৰিক পৰ্যায়ত অধ্যয়ন কৰা অনুসূচিত জাতি/জনজাতিৰ ছাত্ৰ-ছাত্ৰীৰ বাবে বৃত্তি বন্ধ কৰা হৈছে। আমি এইবোৰ কথা কাকতত পঢ়ি পাহৰি যাও।”
দলিতসকলক প্ৰথমে আম্বেদকাৰৰ ৰচনা পঢ়িবলৈ আহ্বান জনাই মহিলাগৰাকীয়ে পুনৰ কয় , 'আপোনালোক সকলোৱে বিশেষকৈ মহিলাসকলে নিজৰ আৰামদায়ক জীৱনশৈলীৰ পৰা ওলাই আহি চৰকাৰৰ বিৰুদ্ধে সংগ্ৰাম কৰিব বুলি আশা কৰিছো। সংগ্ৰাম নকৰালৈকে ক্ষমতাত আমাৰ অংশ নাপাম।’
দলিত সংঘৰ্ষ সমিতিৰ বিভিন্ন ফৈদ একত্ৰিত হৈ এই অনুষ্ঠানৰ আয়োজন কৰে য’ত ১৫টা প্ৰস্তাৱ গ্ৰহণ কৰা হয়। এই প্ৰস্তাৱসমূহৰ ভিতৰত আছে অৰ্থনৈতিকভাৱে দুৰ্বল শাখা (ই ডব্লিউ এছ), ৰাষ্ট্ৰীয় শিক্ষা নীতি (এন ই পি)ৰ অধীনত ১০ শতাংশ কোটাৰ বিৰোধিতা, দলিতৰ বিৰুদ্ধে হোৱা অত্যাচাৰৰ গোচৰত দোষী সাব্যস্ত হোৱাৰ হাৰ কম হোৱাৰ বিৰুদ্ধে প্ৰচাৰ, যিহেতু ৯৬ শতাংশ গোচৰ এতিয়াও আদালতত বিচাৰাধীন হৈ আছে আৰু বৃদ্ধিৰ দাবী অনুসূচিত জাতি/জনজাতিৰ বাবে বাৰ্ষিক আয়ৰ সীমা।
Continue Reading
