ডিজিটেল ডেস্কঃ তেওঁ হয়তো কেতিয়াও ভবা নাছিল তেওঁৰ প্ৰাণ ৰক্ষা পৰিব বুলি। কিন্তু নেদেখা জনৰ কৃপাত তেওঁৰ প্ৰাণ ৰক্ষা পৰিছে। অশান্ত মমইপুৰত দুৰ্বৃত্তৰ ভয়ংকৰ আক্ৰমণত কোনো মতে প্ৰাণ ৰক্ষা পৰা বিজেপিৰ কুকি সম্প্ৰদায়ৰ বিধায়ক ভুংজাগিন ভাল্টেক দুমাহৰ পিছত চিকিৎসালয়ৰ পৰা অব্যাহতি দিয়া হৈছে।
তিনিবাৰকৈ বিধায়ক নিৰ্বাচিত হোৱা বিধায়কগৰাকীৰ ওপৰত মণিপুৰত চলিছিল প্ৰাণঘাতী আক্ৰমণ। সেই আক্ৰমণত তেওঁৰ গাড়ী চালকজন নিহত হৈছিল। পৰিয়ালৰ লোকৰ মতে তেওঁক আক্ৰমণ কৰা হৈছিল, মাৰপিট কৰা হৈছিল ।
তেওঁক ৪ মে'ত ইম্ফলত মুখ্যমন্ত্ৰীৰ ঘৰৰ পৰা ওলাই অহাৰ সময়তে আক্ৰমণ কৰা হৈছিল, বৈদ্যুতিক শ্বকো দিয়া হৈছিল। ফলত তেওঁৰ শৰীৰ পক্ষাঘাতগ্ৰস্ত হৈছিল। এতিয়া তেওঁ অলপ কথা ক'বলৈ সক্ষম হৈছে আৰু আনকি অলপ হাঁহিছেও।
বিধায়কজনক আক্ৰমণ কৰাৰ ঘটনাত এতিয়ালৈকে কাকো গ্ৰেপ্তাৰ কৰা হোৱা নাই। যদি মুখ্যমন্ত্ৰীৰ পৰামৰ্শদাতা এজন বিধায়কৰেই এনে অৱস্থা হয়, তেন্তে ৰাজ্য খনত সাধাৰণ মণিপুৰীসকলৰ অৱস্থা কেনে হ'ব? এয়া এতিয়া বহুতৰে প্ৰশ্ন।
Continue Reading
