ডিজিটেল ডেস্কঃ দ্ৰুতগতিত গলিছে হিমালয়ৰ হিমবাহ। শেহতীয়া তথ্য অনুসৰি ২০১১ আৰু ২০২০ চনৰ তুলনাত প্ৰায় ৬৫ শতাংশ বেছি হাৰত হিমবাহ গলিব ধৰিছে। মঙলবাৰে এই সকিয়নী প্ৰদান কৰিছে বিজ্ঞানীসকলে। ‘ইণ্টাৰনেচনেল চেণ্টাৰ ফৰ ইন্টিগ্ৰেটেড মাউণ্টেন ডেভেলপমেণ্ট’ (ICIMOD)-এ এই হিমবাহৰ বিষয়ে তেওঁলোকৰ প্ৰতিবেদন দাখিল কৰিছে।
উল্লেখ্য যে এই হিমবাহসমূহ প্ৰায় ২৫০ কোটি লোকৰ পানীৰ উৎস। গংগা, সিন্ধু, ব্ৰহ্মপুত্ৰ, মেকং, ইয়েলো, ইৰাৱতীৰ দৰে বৃহৎ নদীসমূহ ইয়াৰ পৰাই উদ্ভূত। এই নদীসমূহে পানী, খাদ্য আৰু বিদ্যুৎ আৰু পৰিৱেশৰ ভাৰসাম্য ৰক্ষা কৰাত সহায় কৰি আহিছে।
আইচিআইএমঅ’ডিৰ উপ-মুখ্য কাৰ্যবাহী ইছাবেলা কোজিয়েলে কয়- ''এছিয়াৰ প্ৰায় ২ কোটি লোকে নিৰ্ভৰ কৰা এই হিমবাহসমূহৰ এই গলিব ধৰাটো চিন্তনীয় বিষয়।’’
ইয়াৰ কাৰণ হিচাপে ক্লাইমেট চেঞ্জ, গোলকীয় উষ্ণতা বৃদ্ধি আৰু পৰিৱেশ প্ৰদূষণ বুলিয়ে ধাৰণা কৰা হৈছে।।অৱশ্যে পেৰিছ জলবায়ু চুক্তি অনুসৰি প্ৰাক-ঔদ্যোগিক সময়ৰ ওপৰত ভিত্তি কৰি উষ্ণতা বৃদ্ধি ১.৫ৰ পৰা ২ ডিগ্ৰী চেলছিয়াছৰ ভিতৰত ৰাখিলেও ২১০০ চনৰ ভিতৰত এক তৃতীয়াংশৰ পৰা আধা হিমবাহ নাইকিয়া হৈ যাব।
Continue Reading
