দুৰ্বলৰ বিৰুদ্ধেহে কিয় বুলড’জাৰ চলে শিৱৰাজ প্ৰশাসনৰ? গৃহহীন লোকৰ প্ৰশ্ন মুখ্যমন্ত্ৰীলৈ

সুনীলৰ পত্নী ক্ৰান্তিয়ে কয়, 'পুত্ৰই ভুল কৰিলে, শাস্তি দিয়ক কিন্তু পুলিচ আৰু প্ৰশাসনৰ বিষয়াই আহি কয় যে আপুনি আপোনাৰ ল'ৰাটোক কি শিকাইছে!' সুনীলে সংবাদ মাধ্যম দ্য ৱায়াৰৰ ওচৰত নিজৰ ঘৰৰ সৈতে জড়িত নথি-পত্ৰও দাখিল কৰে। উল্লেখযোগ্য যে এই ঘটনাৰ প্ৰায় ছমাহ পূৰ্বে তেওঁ বেংকৰ পৰা ৫ লাখ টকাৰ ঋণ লৈছিল, সেই ঘৰটো অবৈধ নিৰ্মাণ বুলি দোহাই দি আৰক্ষী আৰু প্ৰশাসনে খৰখেদাকৈ ভাঙি পেলাইছিল।প্ৰশাসনৰ বিৰুদ্ধে ঋণ প্ৰদান কৰা বেংকটোৱে এখন আবেদন দাখিল কৰি ঘৰ ভাঙি পেলোৱা কাৰ্যক অবৈধ আৰু স্বেচ্ছাচাৰী বুলি অভিহিত কৰে। উল্লেখ্য যে ঘৰটোৰ মালিকীস্বত্ব ৭৫ বছৰীয়া কমল সিঙৰ হাতত। কমল সিং অসুস্থ। ঘৰটোত তেওঁ, পত্নী, জোঁৱাই সুনীল আৰু ক্ৰান্তিকে ধৰি মুঠ ৮জন লোকে বাস কৰিছিল। সুনীলে কয় যে এই ঘৰটো বন্ধকত ৰাখি এতিয়ালৈকে মুঠ ঋণ লোৱা ধন হৈছে ৭.৫ লাখ টকা।