ছত্তীশগড়ত প্ৰত্যাহ্বানৰ সন্মুখীন বিজেপি! বছৰি মহিলাক ১৫ হাজাৰ টকা দিয়াৰ প্ৰতিশ্ৰুতি ৱাঘেলৰ

আচলতে ছত্তীশগড়ত প্ৰথম পৰ্যায়ৰ ২০ খন আসনৰ বাবে ভোটদান হৈছে। দ্বিতীয় পৰ্যায়ত ৭০খন আসনত ভোটগ্ৰহণ অনুষ্ঠিত হ’ব। এনে পৰিস্থিতিত দীপাৱলী উপলক্ষে মুখ্যমন্ত্ৰী ভূপেশ ৱাঘেলে মহিলা ভোটাৰক আকৰ্ষণ কৰিবলৈ এক বৃহৎ ঘোষণা কৰিছে।মুখ্যমন্ত্ৰীজনে এক্সত লিখিছে, 'আজি দেৱালীৰ শুভ ক্ষণ উপলক্ষে ঘোষণা কৰিছোঁ যে আপোনালোকে কংগ্ৰেছক ভোট দিয়ক, ছত্তীশগড়ত কংগ্ৰেছ চৰকাৰ গঠন কৰক, আমি "ছত্তীশগড় গৃহ লক্ষ্মী যোজনা" আৰম্ভ কৰিম যাৰ অধীনত আমি প্ৰতিগৰাকী মহিলাক প্ৰতি বছৰে ১৫ হাজাৰ টকা প্ৰদান কৰিম। মই সকলো মাতৃ-ভগ্নীক ক'ব বিচাৰিছো যে, আপোনালোকে ক'তো শাৰী পাতি থিয় হোৱাৰ প্ৰয়োজন নাই, কোনো প্ৰ-পত্ৰ পূৰণৰো প্ৰয়োজন নাই। কংগ্ৰেছ চৰকাৰ গঠন কৰক, চৰকাৰে নিজেই আপোনালোকৰ ঘৰৰ জৰীপ কৰিব, সকলো অনলাইন হ’ব আৰু টকা পোনে পোনে আপোনাৰ একাউণ্টত আহিব। শাৰী পাতি থিয় হোৱাৰ কোনো প্ৰয়োজন নাই।'