ডিজিটেল ডেস্কঃ পশ্চিম বংগত নিষিদ্ধ হ’ল ‘দ্য কেৰেলা ষ্ট’ৰী’। মুখ্যমন্ত্ৰী মমতা বেনাৰ্জীয়ে এই ঘোষণা কৰিছে। তেওঁ কয় যে শান্তি-সম্প্ৰীতি বজাই ৰাখিবলৈ ৰাজ্যখনত ‘কেৰালা কাহিনী’ নিষিদ্ধ কৰা হৈছে। এই চিনেমাখনত দেখুওৱা সকলো দৃশ্যই ৰাজ্যৰ শান্তি-শৃংখলাৰ বাবে বিপদজনক হ’ব পাৰে। গতিকে ইয়াক নিষিদ্ধ কৰা হ’ল।
ইয়াৰ পূৰ্বে তামিলনাডুতো এই ছবিখন নিষিদ্ধ কৰা হৈছিল। আনহাতে মধ্যপ্ৰদেশ চৰকাৰে এই ছবিখনক নিজৰ ৰাজ্যত কৰমুক্ত ঘোষণা কৰিছে। প্ৰধানমন্ত্ৰী নৰেন্দ্ৰ মোদীয়ে নিজেই কৰ্ণাটকৰ বেলেৰীত অনুষ্ঠিত এক সমাৱেশত দ্য কেৰালা ষ্ট’ৰীক প্ৰশংসা কৰি কয় যে ছবিখনে সন্ত্ৰাসবাদৰ মুখা খুলিব।
সোমবাৰে মমতাই সংবাদমেলত ‘দ্য কেৰেলা ষ্ট’ৰী’ৰ প্ৰাসংগিকতাক লৈ প্ৰশ্ন উত্থাপন কৰে। কেৰেলা ফাইলছক মিছা আৰু বিকৃত কাহিনী হিচাপে আখ্যা দিয়ে মমতাই।
উল্লেখ্য যে চিনেমাখনত লাভ জিহাদক দেখুওৱা হৈছে। কেৰালাৰ বাওঁ চৰকাৰে ছৱিখনৰ কাহিনীক নস্যাৎ কৰিছে। মমতাই ‘দ্য কেৰেলা ষ্ট’ৰী’ক লৈ প্ৰতিবাদ কৰিলেও কেৰালাত শাসকীয় দলটোক সমৰ্থন কৰা নাই। এই সন্দৰ্ভত মমতাই স্পষ্টকৈ কয়, "মই চিপিএমক সমৰ্থন নকৰো। মানুহৰ কথাহে কৈছোঁ। বিজেপিৰ সৈতে একেলগে কাম কৰি আছে চিপিএমে।’’
Continue Reading
