এবাৰ দুবাৰ নহয়; ৭৮ বাৰ ক’ভিড পজিটিভেৰে ৰেকৰ্ড কৰিলে তুৰ্কীৰ এজন লোকে

ডিজিটেল ডেস্কঃ এবাৰ দুবাৰ নহয়, তুৰ্কীৰ এজন লোক এতিয়ালৈকে ৭৮ বাৰ ক’ভিড পজিটিভ হৈছে। ৫৬ বছৰীয়া এই লোকজন ৭৮ বাৰ ক’ৰোনা পৰীক্ষাত ইতিবাচক বুলি ধৰা পৰিছে। তেওঁ ২০২০ বৰ্ষৰ পৰা ক’ৰোনাত আক্ৰান্ত হৈ চিকিৎসালয়ত ১৪ মাহ অতিবাহিত কৰিছে। স্বাস্থ্য বিশেষজ্ঞসকলৰ মতে, এতিয়ালৈকে পৃথিৱীত এনেকুৱা কোনো ব্যক্তি নাই, যাৰ দেহত ইমানবাৰ ক’ভিডৰ দ্বাৰা সংক্ৰণণ হৈছে, এই লোকজনেই প্ৰথম। তুৰ্কীৰ ব্যক্তিজনৰ নাম মুজাফ্ফৰ কায়াচান। ২০২০ চনৰ নৱেম্বৰত তেওঁ প্ৰথমবাৰৰ বাবে কৰোনাৰ দ্বাৰা সংক্ৰমিত হৈছিল। তাৰ পিছত তেওঁ বাৰে বাৰে ক’ৰোনাৰ দ্বাৰা সংক্ৰমণ হোৱাৰ ফলত ১৪ মাহ ধৰি চিকিৎসালয়ত থাকিব লগা হৈছিল। চিকিৎসক বিশেষজ্ঞসকলৰ মতে, তেওঁ লিউকেমিয়া অৰ্থাৎ ৰক্ত কৰ্কট ৰোগত আক্ৰান্ত। এই ৰোগত আক্ৰান্ত লোকসকলৰ দেহত সঘনে তেজ হ্ৰাস হয়। ফলস্বৰূপে, তেওঁলোকৰ ৰোগ প্ৰতিৰোধ ক্ষমতাও কম হয়। চিকিৎসকৰ মতে, এই ৰোগত আক্ৰান্ত হোৱা লোকসকলৰ, শৰীৰৰ ৰোগ প্ৰতিৰোধ ক্ষমতা অতি কম। সেয়েহে এই লোকজনৰ শৰীৰ ক’ৰোনা ভাইৰাছৰ সৈতে যুঁজিবলৈ সক্ষম নহয়। উল্লেখ্য যে, লোকজন এই বাতৰি লিখা পৰ্যন্ত ক’ৰোনাৰ দ্বাৰা আক্ৰান্ত হৈ আছে। চিকিৎসকসকলে তেওঁক প্ৰতিদিনে নতুন ঔষধ দি আছে, কিন্তু তেওঁ সুস্থ হোৱা নাই। তেওঁলোকে ক’য় যে, লোকজনক ঔষধতকৈ প্ৰতিদিনে মানসিক শক্তি প্ৰদান কৰি থকা হৈছে। তেওঁ সোনকালে সুস্থ কৰিবলৈ চিকিৎসক বিশেষজ্ঞই চেষ্টা অব্যাহত ৰাখিছে। চিকিৎসকৰ মতে, তেওঁৰ ক’ৰোনাৰ আটাইবোৰ লক্ষণ নোহোৱা হৈছে যদিও তেওঁক বাৰে বাৰে কৰা ক’ভিড পৰীক্ষাত ইতিবাচক ফলাফল পোৱা গৈছে।