ডিজিটেল ডেস্কঃ আজিৰে পৰা অনুষ্ঠিত হৈছে এছেজ চিৰিজৰ দ্বিতীয়খন মেচ। লৰ্ডছ ক্ৰিকেট গ্ৰাউণ্ডত খেলোৱা মেচখনত প্ৰথমে বেটিং কৰি শক্তিশালী স্থিতিত উপনীত হৈছে অষ্ট্ৰেলিয়া।
টছত জয়ী হৈ বলিং কৰাৰ সিদ্ধান্ত লয় ইংলেণ্ডে। অষ্ট্ৰেলিয়াই ইনিংছ আৰম্ভণি কৰে সুন্দৰভাৱে। পূৰ্বৰ মেচৰ নায়ক ওছমান খাৱাজা (১৭) ব্যৰ্থ হ’লেও ৬৬ ৰাণ কৰি আউট হয় অপেনাৰ ডেভিড ৱাৰ্ণাৰ। মাৰ্নাছ লাবুচানে কৰে ৯৩ টা বলত ৪৭ ৰাণ।
বাতৰি লিখাৰ পৰলৈকে অষ্ট্ৰেলিয়াই ৭১.৪ অভাৰত ৩০৩ ৰাণ কৰি আছে। ষ্টিভ স্মিথে ১২৯টা বলত ৭১ ৰাণ আৰু ট্ৰেভিছ হেডে মাত্ৰ ৬১ টা বলত ৬৭ ৰাণ কৰি আছে।
ইংলেণ্ডৰ হৈ এছেজ অভিষেক ঘটোৱা ফাষ্ট বলাৰ জ’ছ টংগে লাভ কৰিছে দুটাকৈ উইকেট। অলি ৰবিনছনে লাভ কৰিছে ১টা উইকেট।
উল্লেখ্য যে এডজবাষ্টনত হৈ যোৱা শৃংখলাৰ প্ৰথমখন মেচত জয়ী হৈছিল অষ্ট্ৰেলিয়া। ৰোমাঞ্চকৰ মেচখনত জয়লাভ কৰাৰ সূত্ৰেই ১-০ৰ অগ্ৰগতি লাভ কৰি আছে আলহী দলটোৱে।
Continue Reading
