ডিজিটেল ডেস্কঃ এদিনীয়া বিশ্বকাপ ক্ৰিকেট ২০২৩ৰ সময়সূচী ইতিমধ্যে ঘোষণা কৰা হৈছে। প্ৰতিযোগিতাখনৰ প্ৰথমখন খেল ৫ অক্টোবৰত ইংলেণ্ড আৰু নিউজিলেণ্ডৰ মাজত অনুষ্ঠিত হ’ব। একে সময়তে টিম ইণ্ডিয়াৰ প্ৰথমখন খেল অষ্ট্ৰেলিয়াৰ বিৰুদ্ধে অনুষ্ঠিত হ’ব, যিখন খেল অহা ৮ অক্টোবৰত চেন্নাইত অনুষ্ঠিত হ’ব। ভাৰতীয় দলে মহম্মদ ছিৰাজক এই প্ৰতিযোগিতাৰ বাবে দলত স্থান দিয়াৰ সম্ভাৱনা প্ৰকট হৈ পৰিছে। এইবাৰ এদিনীয়া মেচত ছিৰাজে উজ্জ্বল প্ৰদৰ্শন আগবঢ়াইছে। শেহতীয়াকৈ ৱেষ্ট ইণ্ডিজ ভ্ৰমণৰ বাবেও তেওঁক টিম ইণ্ডিয়াত অন্তৰ্ভুক্ত কৰা হৈছে। ছিৰাজৰ লগতে কুলদীপ যাদৱকো দলত স্থান দিয়াৰ চিন্তা-চৰ্চা চলিছে৷
এইবাৰ এদিনীয়া ফৰ্মেটত ভাৰতৰ হৈ সৰ্বাধিক উইকেট দখল কৰিছে ছিৰাজে। ৮খন মেচত ১৯টা উইকেট দখল কৰিছে। ইয়াৰ ভিতৰত ১৩.২১ গড় আছিল। তেওঁ দুবাৰকৈ চাৰিটা উইকেট দখল কৰিছে। গতিকে টিম ইণ্ডিয়াত ছিৰাজৰ স্থান প্ৰায় নিশ্চিত হৈ গৈছে। ৱেষ্ট ইণ্ডিজ ভ্ৰমণৰ বাবেও তেওঁ ভাৰতীয় দলৰ অংশ। এইবাৰ এদিনীয়া মেচত ভাৰতৰ হৈ সৰ্বাধিক উইকেট দখল কৰাৰ ক্ষেত্ৰত দ্বিতীয় স্থানত আছে কুলদীপ যাদৱ৷
আৰু পঢ়ক: এছেজৰ দ্বিতীয়খন টেষ্টঃ স্মিথ, ৱাৰ্ণাৰ, হেডৰ বেটিং বিক্ৰম! দূৰ্দান্ত স্থিতিত উপনীত হৈছে অষ্ট্ৰেলিয়া
ভাৰতীয় দলটোৱেও বিশ্বকাপৰ বাবে কুলদীপ যাদৱক বিশ্বাস কৰিব পাৰে। তেওঁ এইবাৰ এদিনীয়াত ১৫টা উইকেট দখল কৰিছে।কুলদীপ ৱেষ্ট ইণ্ডিজ ভ্ৰমণৰ বাবে টিম ইণ্ডিয়াৰ অংশ। এদিনীয়া শৃংখলাত ভাল প্ৰদৰ্শন কৰি নিজৰ স্থান নিশ্চিত কৰাৰ সুযোগ আছে কুলদীপৰ। তদুপৰি বলাৰৰ তালিকাত মুকেশ কুমাৰ, শাৰ্দুল ঠাকুৰ আৰু জয়দেৱ উনাটকড়ৰ নামো চৰ্চাত আছে।
উল্লেখযোগ্য যে বিশ্বকাপৰ পূৰ্বে টিম ইণ্ডিয়াই চাৰিখন দেশৰ বিৰুদ্ধে ছিৰিজ খেলিব। ইয়াত ৱেষ্ট ইণ্ডিজৰ লগতে আয়াৰলেণ্ডৰ নামো অন্তৰ্ভুক্ত কৰা হৈছে। ৱেষ্ট ইণ্ডিজ ভ্ৰমণত ভাৰতীয় দলে টেষ্ট, এদিনীয়া আৰু টি-২০ শৃংখলা খেলিব।আৰু এই শৃংখলা চলিত বৰ্ষৰ ১২ জুলাইৰ পৰা আৰম্ভ হ’ব।
Continue Reading
