ডিজিটেল ডেস্কঃ এছিয়া কাপ খেলি থকা টিম ইণ্ডিয়াই ডাঙৰ বিপৰ্যয়ৰ সন্মুখীন হৈছে। আচলতে ভাৰতীয় দলৰ বেগী বলাৰ যশপ্ৰীত বুমৰাহ কলম্বোৰ পৰা মুম্বাইলৈ উভতি আহিছে। সংবাদ মাধ্যমৰ খবৰ অনুসৰি ব্যক্তিগত কাৰণত ভাৰতলৈ উভতি আহিছে যশপ্ৰীত বুমৰাহ৷
শনিবাৰে এছিয়া কাপত মুখামুখি হৈছিল ভাৰত আৰু পাকিস্তানৰ দল। পাকিস্তানৰ বিৰুদ্ধে বেটিং কৰিবলৈ আহিছিল বুমৰাহ। অৱশ্যে বৰষুণৰ বাবে ব’লিং কৰাৰ সুযোগ নাপালে যশপ্ৰীত বুমৰাহে। সোমবাৰে ভাৰতীয় দলটোৱে নেপালৰ বিৰুদ্ধে খেলিব। একে সময়তে ইয়াৰ পাছত ছুপাৰ-৪ ৰাউণ্ডৰ মেচ অনুষ্ঠিত হ’ব। অহা ৬ ছেপ্টেম্বৰৰ পৰা এছিয়া কাপৰ ছুপাৰ-৪ ৰাউণ্ডৰ খেল অনুষ্ঠিত হ’ব।
শেহতীয়াকৈ আয়াৰলেণ্ডৰ বিৰুদ্ধে শৃংখলাৰ পৰা উভতি আহিছিল যশপ্ৰীত বুমৰাহ। এই ছিৰিজত টিম ইণ্ডিয়াৰ অধিনায়ক আছিল যশপ্ৰীত বুমৰাহ। ইয়াৰ পূৰ্বে আঘাতৰ বাবে খেলপথাৰৰ পৰা আঁতৰত আছিল বুমৰাহ। ইয়াৰ বাবেই তেওঁ আই পি এল ২০২৩ৰ অংশ নাছিল। ভাৰতীয় দলত যশপ্ৰীত বুমৰাহ ঘূৰি অহাৰ পাছত অনুৰাগীসকল অতিশয় উৎফুল্লিত হৈ পৰিছিল যদিও এতিয়া অনুৰাগীক হতাশ কৰাৰ খবৰ চৰ্চালৈ আহিছে।
Continue Reading
