ডিজিটেল ডেস্কঃ অষ্ট্ৰেলিয়াক ৫ উইকেটত পৰাস্ত কৰাৰ পাছত ভাৰতে এদিনীয়া ৰেংকিঙত এক নম্বৰ স্থান লাভ কৰে। ইতিমধ্যে টেষ্ট আৰু টি-২০ ক্ৰিকেটতো এক নম্বৰ দল ভাৰত। শুকুৰবাৰৰ জয়ৰ পিছতে ভাৰত ক্ৰিকেটৰ সকলো ফৰ্মেটতে এক নম্বৰত আছে টীম ইণ্ডিয়া।
ইয়াৰ পূৰ্বে ক্ৰিকেটত মাত্ৰ এটা দলেহে এই নজিৰ গঢ়ি তুলিবলৈ সক্ষম হৈছিল। ২০১২ চনত দক্ষিণ আফ্ৰিকাই সকলো ধৰণৰ ক্ৰিকেটত এক নম্বৰ স্থান লাভ কৰিছিল।
ভাৰতে টেষ্ট ৰেংকিঙত এক নম্বৰ দলৰ স্থান অক্ষুণ্ণ ৰাখিছে। টি-২০ ক্ৰিকেটতো তেওঁলোকে ধাৰাবাহিকতা প্ৰদৰ্শন কৰিছে। এছিয়া কাপৰ ফাইনেলত জয়লাভ কৰাৰ পাছত ভাৰতে ৰেংকিঙৰ দ্বিতীয় স্থানত আৰোহণ কৰে। শুকুৰবাৰে পাকিস্তানক আঁতৰাই এক নম্বৰ দলত পৰিণত হয়। ভাৰতৰ ১১৬ পইণ্ট। দ্বিতীয় আৰু তৃতীয় স্থানত আছে ক্ৰমে পাকিস্তান আৰু অষ্ট্ৰেলিয়া।
বিশ্বকাপত এক নম্বৰ দল হিচাপে খেলাৰ সুযোগ ভাৰতে লাভ কৰিছে। অষ্ট্ৰেলিয়াৰ বিৰুদ্ধে শৃংখলাত জয়ী হ’লে ভাৰত এক নম্বৰ দল হিচাপে থাকিব।
Continue Reading
