ডিজিটেল ডেস্ক: ইজৰাইলৰ গৱেষকসকলে প্ৰাকৃতিক ৰাসায়নিক পদাৰ্থ ব্যৱহাৰ কৰি দুগুণ গতিত গাহৰিৰ ঘাঁ ভাল খৰাৰ দাবী কৰিছে। তেওঁলোকে কয় যে এই যৌগটোৱে অৱশেষত “এন্টিবায়টিক বিকল্প” হিচাপে কাম কৰিব পাৰে আৰু তেওঁলোকে ইয়াক মানুহৰ ব্যৱহাৰৰ বাবেও প্ৰস্তুত কৰাৰ পৰিকল্পনা কৰিছে। ব্ৰকলি, ফুলকবি আদি শাক-পাচলিত ডাইণ্ড’লাইলমিথেন (DIM) থাকে। বেন গুৰিয়ান বিশ্ববিদ্যালয়ৰ এটা গৱেষক দলে এটা পৰীক্ষাগাৰৰ পৰিৱেশত বেক্টেৰিয়াৰ ওপৰত এই ডাইণ্ড’লাইলমিথেনৰ প্ৰভাৱৰ বিষয়ে অনুসন্ধান কৰি দেখিলে যে ই বেক্টেৰিয়াৰ কাৰ্যক্ষমতাত ব্যাঘাত জন্মায়।
গৱেষকসকলে এনে গাহৰি ব্যৱহাৰ কৰিছিল যিবোৰৰ একাধিক ঘাঁ আছিল, আৰু তেওঁলোকে এন্টিবায়টিক বা ডি আই এমৰ কৃত্ৰিম সংস্কৰণ ব্যৱহাৰ কৰি ঘাঁবোৰ ভাল কৰিছিল। এন্টিবায়টিকৰ দ্বাৰা চিকিৎসা কৰা ঘাঁৰ বাবে সম্পূৰ্ণ সময় আছিল ১০ দিন কিন্তু ডিআইএম ভিত্তিক মলমৰ দ্বাৰা চিকিৎসা কৰা ঘাঁৰ বাবে মাত্ৰ ৫ দিনৰ সময়হে প্ৰয়োজন হৈছিল।
এই গৱেষণাত অধ্যাপক এৰিয়েল কুছমাৰো আৰু তেওঁৰ দলটোৱে এই ৰাসায়নিক দ্ৰব্যটোক পশুৰ মলমলৈও বিকশিত কৰিছিল। তেওঁলোকৰ এই তথ্য প্ৰকাশ পাইছে ফাৰ্মাচিউটিক্স নামৰ আলোচনীখনত। পশু খাদ্য সংযোজক হিচাপে ইয়াৰ সম্ভাৱ্য স্বাস্থ্যজনিত সুবিধাসমূহৰ বিষয়েও তেওঁলোকে অনুসন্ধান কৰি আছে।
বিজ্ঞানীসকলে দাবী কৰিছে যে এন্টিবায়’টিক ঔষধে ঘাঁৰ ওপৰত থকা বেক্টেৰিয়াৰ স্তৰটো নাইকিয়া কৰে। কিন্তু সতেজ কলাৰ এটা তৰপ গঢ় লৈ উঠে আৰু মৃত বেক্টেৰিয়া আৰু কলাও থাকে। কিন্তু DIM চিকিৎসাত দুগুণ অধিক গতিত ঘাঁ সমূহ ভাল হয় কাৰণ ইয়াত মৃত কলা বা মৃত বেক্টেৰিয়াৰ কোনো তৰপ নাথাকে ।
Continue Reading
