ডিজিটেল ডেস্কঃ কিছুদিন পূৰ্বে মহেন্দ্ৰ সিং ধোনীয়ে এখন বিলাসী ৰ’লছ ৰয়েচ গাড়ী লৈ ৰাঁচীৰ ৰাজপথলৈ ওলাই আহিছিল। আকৌ তেওঁক এখন পুৰণি গাড়ী লৈ ওলাই যোৱা দেখা গ’ল। ধোনীয়ে গাড়ী চলোৱাৰ ভিডিঅ’ ছচিয়েল মিডিয়াত বিয়পি পৰিছে।
ধোনীয়ে চলোৱা গাড়ীখন ১৯৭৩ চনৰ পণ্টিয়াক ট্ৰেন্স-এম। ধুনীয়া ৰঙা গাড়ীখন চলাই থকা দেখা গ’ল ধোনীক। গাড়ীত তেওঁ অকলে আছে। পিন্ধিছে ছানগ্লাছ আৰু হাতৰ আঁচল নথকা টি-চাৰ্ট। ধোনীৰ স’তে এই গাড়ীখন আগতে কোনেও দেখা নাই।
কিছুদিন পূৰ্বে ৰাঁচীৰ ঘাইপথত নীলা ৰঙৰ ৰ’লছ ৰয়ছ গাড়ী চলাই থকা দেখা গৈছিল ধোনীক। এজন অনুৰাগীয়ে দাবী কৰিছে যে গাড়ীখন ১৯৮০ চনৰ। এই মডেলৰ ৰ’লছ ৰয়েচ আজি উপলব্ধ নহয়।
উল্লেখ্য যে পুৰণি গাড়ী আৰু বাইক সংগ্ৰহ কৰাটো ধোনীৰ এটা চখ। ধোনিৰ সংগ্ৰহত ৫০খনতকৈও অধিক বাইক আছে। ইয়াৰ ভিতৰত হাৰ্লি-ডেভিডছন, কাৱাছাকি নিঞ্জা, ডুকাটি আদি কোম্পানীৰ বাইক অন্যতম।
Continue Reading
