ডিজিটেল ডেস্কঃ কথাষাৰ সাধাৰণ দৃষ্টিত বৰ সহজ নাছিল। এইচ.আই.ভি. পজিটিভ যুৱক-যুৱতী এহালৰ বিয়াৰ কথা দুয়োটা পৰিয়ালে সহজভাবে গ্ৰহণ কৰিব পৰা নাছিল। অৱশেষত সকলো বাধা অতিক্ৰম কৰি এইচ.আই.ভি. পজিটিভ যুৱক-যুৱতীহালে বিবাহপাশত আবদ্ধ হ’ল৷
শাস্ত্ৰ অনুসৰি দুয়োৱে পুৰোহিতৰ ওচৰত মন্ত্ৰ পঢ়ি মালা সলনি কৰিলে। বংগৰ সোণাৰপুৰৰ এটা স্বেচ্ছাসেৱী সংগঠনে এই সময়ছোৱাত তেওঁলোকৰ কাষত থিয় দিছিল।যুৱতীগৰাকীৰ যুঁজখন বহু দিনৰ আগতে আৰম্ভ হৈছিল। তিনি বছৰ বয়সতযুৱতীগৰাকীয়ে মাক-দেউতাকক হেৰুৱায় আৰু কলকাতা চিকিৎসা মহাবিদ্যালয় চিকিৎসালয়ৰ কাষৰে গোবিন্দাপুৰৰ এটা ঘৰত থাকিবলৈ লয়৷ যুৱতীগৰাকীয়ে জনা নাছিল যে তেঁৱো এইচআইভি পজিটিভ ।
পিছত,কথাষাৰ জনাৰ পিছত ছোৱালীজনীয়ে নিয়মীয়াকৈ কলকাতা চিকিৎসা মহাবিদ্যালয় চিকিৎসালয়লৈ চিকিৎসাৰ বাবে আহিবলগীয়া হৈছিল। তাত তেওঁ উত্তৰ ২৪ পৰগণাৰ এজন যুৱকক লগ পাইছিল। চিকিৎসালয়তে তেওঁলোকৰ চিনাকী হৈছিল আৰু সেই চিনাকীয়েই প্ৰেমত পৰিণত হৈছিল৷ অৱশেষত দুয়োৱে বিয়াত বহাৰ সিদ্ধান্ত লয়। যুৱকজনৰ পৰিয়ালে প্ৰথমে আপত্তি কৰিছিল যদিও পিছত সন্মতি দিছিল৷ এটা স্বেচ্ছাসেৱী সংগঠনো আগবাঢ়ি আহিছিল। তেওঁলোকে গোটেই অনুষ্ঠানটোৰ আয়োজন কৰিছিল। দেওবাৰে সন্ধিয়া সোণাৰপুৰত এইচ.আই.ভি.পজিটিভ যুৱক-যুৱতীহালে যুগ্মজীৱন আৰম্ভ কৰে৷
Continue Reading
