ডিজিটেল ডেস্কঃ এটিএম মেচিন সাধাৰণতে টকা-পইচাৰ লেনদেনতে ব্যৱহাৰ কৰা হয়। কিন্তু টকা-পইচা নহয়, হায়দৰাবাদত এনে এটা এটিএম মেচিন স্থাপন কৰা হৈছে য’ত সোণৰ মূদ্ৰা উলিয়াব পৰা যাব। ইয়াৰ দ্বাৰা দেশৰ প্ৰথমটো ৰিয়েল টাইম গল্ড এটিএম স্থাপন কৰা হৈছে।
হায়দৰাবাদৰ কোম্পানী Goldsikka Pvt Ltd এ Opencube Technologies ৰ সহায়ত এই ATM সংস্থাপন কৰিছে। গ্ৰাহকে ডেবিট বা ক্ৰেডিট কাৰ্ড ব্যৱহাৰ কৰি এটিএমৰ জৰিয়তে সোণৰ মুদ্ৰা ক্ৰয় কৰিব পাৰিব।
সোণ ক্ৰয়-বিক্ৰয়ৰ ব্যৱসায়ত জড়িত গোল্ডচিকাৰ চিইঅ’ চি তৰুজৰ মতে এই এটিএম ব্যৱহাৰ কৰি মানুহে ০.৫ গ্ৰামৰ পৰা ১০০ গ্ৰামলৈকে সোণৰ মুদ্ৰা ক্ৰয় কৰিব পাৰিব। এই এটিএমত সোণৰ মূল্য লাইভ আপডেট কৰা হ'ব। ২৪ ঘণ্টাই উপলব্ধ হ’ব গোল্ড এটিএম সেৱা।
জানিব পৰা মতে, কোম্পানীটোৱে অনাগত সময়ত পেড্ডাপল্লী, ৱাৰংগল আৰু কৰিমনগৰতো এনে গল্ড এটিএম খোলাৰ পৰিকল্পনা কৰিছে। আগন্তুক ২ বছৰত সমগ্ৰ ভাৰতত প্ৰায় ৩,০০০ টা Gold ATM খোলাৰ পৰিকল্পনা কৰিছে কোম্পানীটোৱে।
Continue Reading
