ডিজিটেল ডেস্কঃ অসমলৈ আহি আছে বলীউডৰ মোহময়ী অভিনেত্ৰী ছানী লিয়’নী৷১ জুলাইত লাইভ ডিজে পৰিবেশনৰ বাবে গুৱাহাটীলৈ আহি আছে বলীউডৰ তাৰকা ছানী লি’য়নী৷গুৱাহাটীৰ এবিচিৰ জিএছ ৰোডত অৱস্থিত প্লেবয় বিয়েৰ গাৰ্ডেনৰ মঞ্চত ছানীক দেখা যাব৷
BookMyShow ৰ শেহতীয়া আপডেট অনুসৰি ছানী লিয়’নীৰ বহু প্ৰত্যাশিত লাইভ ডিজে নাইটটো সংগীত অনুৰাগীৰ বাবে এক স্মৰণীয় সন্ধিয়া হোৱাৰ সম্ভাৱনা আছে।উল্লেখ কৰিব লাগিব যে ২০২২ চনৰ অক্টোবৰ মাহত কলকাতাৰ এক অনুষ্ঠানত অভিনেত্ৰীগৰাকীক ডিজে হিচাপে দেখা গৈছিল৷
BookMyShow ৰ মতে, ১ জুলাইৰ সন্ধিয়া ৬ বজাৰ পৰা আৰম্ভ হ’ব এই অনুষ্ঠান।অনুষ্ঠানটোত প্ৰৱেশ পাছ ২০০০ টকাৰ পৰা আৰম্ভ হ’ব।মঞ্চত ছানী লিয়’নী নামেৰে পৰিচিত কাৰোঞ্জিত কৌৰ ভোহ্ৰাই মডেল আৰু প্ৰাপ্তবয়স্ক অভিনেতা হিচাপে নিজৰ কেৰিয়াৰ আৰম্ভ কৰিছিল। বৰ্তমান তেওঁ এগৰাকী পৰিচিত কানাডিয়ান-ভাৰতীয়-আমেৰিকান অভিনেত্ৰী।উল্লেখ্য যে কানাডাত ভাৰতীয় শিখ পৰিয়ালত জন্মগ্ৰহণ কৰিছিল ছানী লিয়’নীয়ে। যদিও তেওঁ বৰ্তমান ভাৰতত থাকে, তথাপিও তেওঁৰ কানাডা আৰু আমেৰিকাৰ নাগৰিকত্ব আছে৷
Continue Reading
