একৰ পৰা দুই হোৱাৰ দিশে ভাইজান , এইবাৰ কাৰ মন হৰিলে ডাবাং খানে?

ডিজিটেল ডেস্কঃ কৈ নো কৈ ওৰকে নপৰা হৈছে বলীউড ভাইজান ৰ কথা! দশকৰ পাছত দশক ধৰি প্ৰেমেৰে হৃদয় জিনা ভাইজান ৰ নিত্য নতুন আখ্যান প্ৰকাশ পাই আহিছে সময়ে সময়ে। তেওঁৰ একালৰ প্ৰেয়সী এতিয়া আন কৰোবাৰ জীৱনসংগী। কথাবোৰে চাগে বেজাৰ দিয়ে ছলমানক! সেইবাবে নিজৰ ঘৰখন পাতিব বিচাৰিছিল তেওঁ। কেইদিনমান পূৰ্বে ভাইজানৰো বিয়াৰ উঠিছিল গুঞ্জন। ঘুনুক-ঘানাককৈ জনপ্ৰিয় অভিনেতা শত্ৰুঘ্ন সিনহাৰ দুহিতা সোণাক্ষীৰে বিয়াৰ কথাও ওলাইছিল। ক্ষণিকৰ বাবে উদ্বাউল হৈ পৰিছিল অনুৰাগী। পাছে মন দিয়া মন নিয়া খেলৰ নিপুন খেলুৱৈ ভাইজান। অনুৰাগীৰ এই আনন্দৰো ক্ষন্তেকতে যেন ম্লান পৰি ৰ’ল। এইবাৰ বলীউড ভাইজানে তেওঁতকৈ ২৭ বছৰে সৰু এগৰাকী অভিনেত্ৰীৰ প্ৰেমত পৰিছে! শুনিবলৈ পোৱা মতে, অভিনেত্ৰী পূজা হেগড়েৰ সৈতে এই নিবিড় সম্পৰ্ক গঢ় লৈ উঠিছে ভাইজানৰ! বলীউডতো বিষয়টোক লৈ হৈছে চৰ্চা। কিছু সময়ৰ বাবে এই কথা সত্য যেনেই লাগিছিল সকলোৰে। পাছে এইবাৰ ব্যতিক্ৰমী ৰূপত ভাইজান। ঈদত আহি আছে ছলমানৰ নতুন ছবি। ছলমান খানৰ ‘কভি ঈদ, কভি দেৱালী’ মুক্তি পাব ঈদত। এই ছবিখনতে, ছলমানে পূজা হেগড়েৰ প্ৰেমত পৰিব। শেহতীয়াকৈ, চলচ্চিত্ৰ সমালোচক তৰণ আদৰ্শই এই বিষয়ে সদৰী কৰিছে। প্ৰকাশিত প্ৰতিবেদন অনুসৰি, ‘কভি ঈদ, কভি দেৱালী’ ছবিখনৰ পৰিচালক ফাৰহাদ ছামজী আৰু প্ৰযোজক ছাজিদ নাদিয়াদৱালা। ছবিখন প্ৰসংগত এতিয়ালৈকে আনুষ্ঠানিকভাৱে একো ঘোষণা কৰা হোৱা নাই। অৱশ্যে, অভিনেত্ৰী পূজা হেগড়েৰ সৈতে ছলমান খানৰ ৰোমাঞ্চৰ খবৰে অনুৰাগীসকল উৎসাহিত কৰি তোলা দেখা গৈছে। ইতিপূৰ্বে দিশা পাটানিৰ সৈতে ৰোমাঞ্চ কৰা ছলমানে প্ৰথমবাৰৰ বাবে বলীউডৰ পূজাৰ সৈতে অভিনয় কৰিব। প্ৰযোজক ছাজিদ নাদিয়াদৱালাই কয়, ছবিখনৰ জৰিয়তে বলীউডত এটা নতুন যুটিৰ আগমন ঘটিব। অভিনেত্ৰী বাছনি পৰ্বতো পূজাকে ছলমানৰ নায়িকা হিচাপে। ‘কভি ঈদ, কভি দেৱালী’ ছবিখনত সম্পূৰ্ণ নতুন ৰূপত দেখিবলৈ পাব ভাইজানক। আনহাতে, পূজাক সৰু চহৰৰ ছোৱালী হিচাপে উপস্থাপন কৰা হ’ব বুলি জানিবলৈ পোৱা গৈছে।