ডিজিটেল ডেস্কঃ ৰাষ্ট্ৰীয় স্বয়ংসেৱক সংঘক(RSS)ক তীব্ৰ আক্ৰমণ কৰে কংগ্ৰেছ নেতা ৰাহুল গান্ধীয়ে। হাৰিয়ানাৰ কুৰুক্ষেত্ৰত ৰাহুল গান্ধীয়ে আৰ এছ এছৰ লোকসকলক একবিংশ শতিকাৰ কৌৰৱ বুলি অভিহিত কৰে। ৰাহুলে কয়, "একবিংশ শতিকাৰ কৌৰৱসকলে খাকী হাফপেণ্ট পিন্ধে আৰু হাতত লাঠি লৈ থাকে।"
কুৰুক্ষেত্ৰত ৰাহুলে কয়, "তেতিয়া মহাভাৰতত যি যুদ্ধ হৈছিল, আজিও একেই। পাণ্ডৱ কোন আছিল? কোন আছিল অৰ্জুন, ভীম? এই লোকসকলে আগতে তপস্যা কৰিছিল। আপোনালোকে মহাভাৰত পঢ়িছে? পাণ্ডৱসকলে কেতিয়াবা ভুল কৰিছিল নেকি? বিমুদ্ৰাকৰণ কৰিছিল নেকি? ভুল জিএছটি কাৰ্যকৰী কৰিছিল নেকি? কাৰণ তেওঁলোকে জানিছিল যে এইটো চুৰি কৰাৰ ভুল উপায়।"
ৰাহুলে লগতে কয়, "একবিংশ শতিকাৰ কৌৰৱসকলে হাফ পেণ্ট পিন্ধে। হাতত লাঠি লৈ খোজকাঢ়ে। ভাৰতৰ কোটিপতিসকল কৌৰৱৰ লগত থিয় হৈ আছে। নোটবন্দি, ভুল জি এছ টি কাৰ বিৰুদ্ধে কৰা হৈছে বুজি লওক। ৰাহুল গান্ধীয়ে পুনৰ কয়, "নৰেন্দ্ৰ মোদীয়ে নিশ্চিতভাৱে চহী কৰিছিল, কিন্তু এই কোটিপতিসকলে মোডীজীক পৰিচালনা কৰিছিল। সেই সময়ৰ কোটিপতিসকল পাণ্ডৱৰ সৈতে থিয় হৈ আছিল নেকি?"
আনহাতে বিজেপি চৰকাৰক আক্ৰমণ কৰি ৰাহুল গান্ধীয়ে কয়, 'প্ৰধানমন্ত্ৰী বীমা যোজনা'ত, আপোনাৰ পকেটৰ পৰা টকা আহে আৰু আন কাৰোবাৰ তাত একাউণ্ট থাকে। আপোনাৰ গোটেই পৰিয়ালটোৱে কাম কৰে, কেতিয়াবা যেতিয়া আপুনি বীমাৰ বাবে যায় তেতিয়া আপুনি গম পায় তেনে কোনো কোম্পানীয়ে নাই, আপোনাৰ টকা আন কোনোবাই খালে। জি এছ টিৰ কথা ক’বলৈ গ’লে আপুনি যদি ২৫ কেজিতকৈ কম আটা বা গুড় বিক্ৰী কৰিলেও জি এছ টি লগোৱা হয়। কিন্তু আদানী-আম্বানীৰ ওপৰত লগোৱা নহয়।"
Continue Reading
