ডিজিটেল ডেস্কঃ বলীউডৰ গ্লেমাৰ জগতত তাৰকাসকলৰ অভিনয় দক্ষতাৰ পৰা তেওঁলোকৰ ব্যক্তিগত জীৱনলৈকে সকলো কথাই চৰ্চাৰ কেন্দ্ৰবিন্দু হোৱা দেখা যায়। বিশেষকৈ, তাৰকাসকলৰ বিভিন্ন ফেশ্বন সংবেদন বা তেওঁলোকৰ পৰিয়ালৰ সদস্যসকলৰ বিভিন্ন অজ্ঞাত কাহিনী সময়ে সময়ে ছচিয়েল মিডিয়াত ভাইৰেল হৈ পৰা দেখিবলৈ পোৱা যায়। বলীউড জগতৰ এক লেখত ল’বলগীয়া নক্ষত্ৰ হৈছে অমিতাভ বচ্চন। বলীউডত দিনে দিনে বহুতো উজ্জ্বল তাৰকাৰ আৱিৰ্ভাব ঘটিলেও বিগ-বিৰ কৰিশ্মা ম্লান পৰা নাই। বলীউডৰ শেহেনশ্বাহে বিগত পাঁচ দশক ধৰি ভাৰতীয় চলচ্চিত্ৰ প্ৰেমীসকলৰ হৃদয় জয় কৰি আহিছে। অৱশ্যে, এই জনপ্ৰিয় তাৰকাগৰাকীৰ কেৰিয়াৰৰ লগতে ব্যক্তিগত জীৱনৰো চৰ্চা হোৱা প্ৰায় দেখা যায়। সম্প্ৰতি পুনৰ চৰ্চালৈ আহিছে বিগ-বি।
বলীউডৰ মেগাষ্টাৰ অমিতাভ বচ্চনৰ সৈতে ৰেখাৰ সম্পৰ্কক লৈ হোৱা বিতৰ্কৰ বিষয়ে ইতিমধ্যে সকলোৱে অৱগত। ৰেখা, জয়া আৰু অমিতাভ বচ্চনৰ লাভ ট্ৰাইংগেলৰ বিষয়টো ইণ্টাৰনেটতো ব্যাপকভাৱে ছুপাৰহিট হোৱা দেখিবলৈ পোৱা যায়।
ৰিয়েল লাইফত তাৰকাসকলে অমিতাভ বচ্চন, ৰেখা আৰু জয়া একেলগে যিকোনো ঠাইত দেখা পোৱা নাযায়। অৱশ্যে, কেইবছৰমান আগতে বলীউড জগতৰ এই ত্ৰিমূৰ্তি একেটা অনুষ্ঠানত উপস্থিত হৈছিল। সকলোকে আচৰিত কৰি অমিতাভ বচ্চনে ৰেখাৰ উপস্থিতিতে তেওঁৰ পত্নী জয়া বচ্চনৰ প্ৰতি থকা মৰম মুকলিকৈ প্ৰকাশ কৰিছিল। অন কেমেৰাত সকলোৰে সন্মুখত বলীউড শেহেনশ্বাহে জয়া বচ্চনক চুম্বন কৰিছিল।
স্মৰ্তব্য যে, ২০১৪ চনৰ ১৪ জানুৱাৰীত মুম্বাইত এক বঁটা প্ৰদান অনুষ্ঠানত বঁটাৰ বাবে নাম ঘোষণা কৰা হৈছিল অমিতাভ বচ্চনৰ। নাম ঘোষণা কৰাৰ লগে লগে, বিগ-বিয়ে সকলোৰে সন্মুখত জয়া বচ্চনক চুম্বন কৰিছিল। সামাজিক মাধ্যমতো ভাইৰেল হৈ পৰিছে অমিতাভ-জয়াৰ এই চুম্বন। অমিতাভ বচ্চনে ৰেখাক দেখুৱাবলৈ জয়াৰ সৈতে এনে কাৰ্য কৰা বুলি আশংকা প্ৰকাশ কৰিছে একাংশ অনুৰাগীয়ে।
Continue Reading
