ডিজিটেল ডেস্কঃ সোমবাৰে ষ্টাৰলিংক, স্পেচএক্স, আৰু টেছলাৰ মালিক ইলন মাস্কে ইতিহাসৰ প্ৰথমজন ব্যক্তি হিচাপে পৰিগণিত হয় যিয়ে নিজৰ সম্পত্তি ৬০০ বিলিয়ন ডলাৰ অৰ্থাৎ ৫৪.৪৯ লাখ কোটি টকা অতিক্ৰম কৰিলে।
ফৰ্বছৰ মতে ১৫ ডিচেম্বৰৰ বিয়লিলৈকে তেওঁৰ সম্পত্তিৰ পৰিমাণ প্ৰায় ৬৭৭ বিলিয়ন ডলাৰ অৰ্থাৎ ৬১.৪৭ লাখ কোটি হৈছিল।
SpaceX ৰ মূল্যায়নত উল্লেখযোগ্য জাম্প
ইলন মাস্কৰ সম্পদৰ এই উল্লেখযোগ্য বৃদ্ধিৰ মূল কাৰণ হৈছে তেওঁৰ ব্যক্তিগত ৰকেট কোম্পানী স্পেচএক্সৰ মূল্যৰ তীব্ৰ বৃদ্ধি। শেহতীয়াকৈ স্পেচএক্সৰ নিবিদা প্ৰস্তাৱৰ মূল্য আগষ্ট মাহত ৪০০ বিলিয়ন ডলাৰৰ তুলনাত ৮০০ বিলিয়ন ডলাৰ। স্পেচএক্সৰ প্ৰায় ৪২% মালিক মাস্ক, যাৰ ফলত তেওঁৰ সম্পত্তি ১৬৮ বিলিয়ন ডলাৰ বৃদ্ধি পাইছে।
এতিয়া তেওঁ দ্বিতীয় ধনী ব্যক্তি লেৰী পেজক ৪০০ বিলিয়ন ডলাৰ অৰ্থাৎ প্ৰায় ৩৬৩.২ বিলিয়ন অতিক্ৰম কৰিছে।
২০২৫ চনৰ অক্টোবৰ মাহত মাস্ক ৫০০ বিলিয়ন ডলাৰৰ সীমা অতিক্ৰম কৰা প্ৰথমজন ব্যক্তি হিচাপে পৰিগণিত হয়। দুমাহ নৌহওঁতেই মাস্কৰ সম্পত্তি ১০০ বিলিয়ন ডলাৰতকৈও অধিক বৃদ্ধি পাইছে।
২০২৬ চনত স্পেচএক্সে আই পি অ’ৰ বাবে প্ৰস্তুতি চলাইছে, যাৰ ফলত কোম্পানীটোৰ মূল্য ১.৫ ট্ৰিলিয়ন ডলাৰ হ’ব পাৰে। ইয়াৰ ফলত মাস্কৰ ধন আৰু অধিক বৃদ্ধি পাব পাৰে।
মাস্কৰ ধন-সম্পত্তিতো টেছলাৰ অৰিহণা যথেষ্ট
টেছলাৰ প্ৰায় ১২% মালিক মাস্ক, যাৰ মূল্য প্ৰায় ১৯৭ বিলিয়ন ডলাৰ। বিক্ৰী সামান্য হ্ৰাস পোৱাৰ পিছতো এই বছৰ টেছলাৰ শ্বেয়াৰ ১৩% বৃদ্ধি পাইছে। সোমবাৰে মাস্কে প্ৰকাশ কৰাৰ পিছতে কোম্পানীটোৱে সন্মুখৰ আসনত ছেফটি মনিটৰ অন্তৰ্ভুক্ত নকৰা ৰবটেক্সি পৰীক্ষা কৰি আছে বুলি প্ৰকাশ কৰাৰ পিছতে শ্বেয়াৰৰ মূল্য প্ৰায় ৪% বৃদ্ধি পায়।
নৱেম্বৰ মাহত টেছলাৰ শ্বেয়াৰহোল্ডাৰসকলে মাস্কৰ বাবে ১ ট্ৰিলিয়ন ডলাৰৰ পে পেকেজ অনুমোদন জনায়, যিটো ইতিহাসৰ সৰ্ববৃহৎ কৰ্পৰেট পে পেকেজ। ইয়াৰ ফলত কোম্পানীটোৱে এআই আৰু ৰবটিক্সৰ এক প্ৰধান খেলুৱৈ হোৱাৰ সম্ভাৱনাক সমৰ্থন কৰিছিল।
আন কোম্পানীৰ তুলনাত মাস্কৰ উপাৰ্জনো বৃদ্ধি পালে
মাস্কৰ কৃত্ৰিম বুদ্ধিমত্তা কোম্পানী xAI য়ে ১৫ বিলিয়ন ডলাৰৰ নতুন পুঁজি সংগ্ৰহৰ বাবে আলোচনাত মিলিত হৈছে, যাৰ ফলত কোম্পানীটোৰ মূল্য ২৩০ বিলিয়ন ডলাৰ হ’ব পাৰে। অৱশ্যে মাস্কৰ টেছলা, স্পেচএক্স, বা xAIৰ পৰা কোনো মন্তব্য কৰা হোৱা নাই। সামগ্ৰিকভাৱে মাস্কৰ সম্পদৰ দ্ৰুত বৃদ্ধিৰ মূলতে হৈছে তেওঁৰ কোম্পানীসমূহৰ উচ্চ মূল্য।
Continue Reading
