ডিজিটেল ডেস্কঃ আৰক্ষীৰ গুলীত নিহত হৈছে এটা দুৰ্ধৰ্ষ ডকাইত। ৪০টাতকৈও অধিক গোচৰ ৰুজু হৈছিল ডকাইতটোৰ বিৰুদ্ধে। ডকাইতটোৰ নামত ১ লাখ টকা ঘোষণা কৰি থৈছিল আৰক্ষীয়ে।
উত্তৰ প্ৰদেশ এছ টি এফৰ নয়ডা ইউনিট আৰু বুলণ্ডশ্বাহৰ জিলা এলেকাৰ জাহাংগীৰাবাদ আৰক্ষী থানাত যোৱা ২০ জুনৰ সন্ধিয়া সংঘটিত হয় এক ভয়াৱহ সংঘৰ্ষ।এই সময়ছোৱাত কুখ্যাত ডকাইতটো গুৰুতৰভাৱে আহত হয় আৰু তেওঁক চিকিৎসালয়লৈ লৈ যোৱা হয়। কিন্তু, চিকিৎসাৰ সময়ত ডকাইতটোৰ মৃত্যু হয়।
ডকাইতটোক শ্বামলি জিলাৰ কৈৰানা আৰক্ষী থানাৰ ইছোপুৰ খুৰগানৰ নিবাসী বিনোদ গাদেৰিয়া পুত্ৰৰ সীতাৰাম গাদেৰিয়া বুলি চিনাক্ত কৰা হৈছে।
তথ্য অনুসৰি বিনোদ গাদেৰিয়াক মুজাফ্ফৰনগৰত ছয়টাতকৈও অধিক ডকাইতিৰ গোচৰত অভিযুক্ত আৰু ২০২৪ চনৰ পৰা তেওঁক বিচাৰি থকা বুলি জানিব পৰা গৈছে। আৰক্ষীৰ ৰেকৰ্ড অনুসৰি ২০০৬ চনৰ পৰা অপৰাধৰ জগতখনত সক্ৰিয় হৈ আছিল তেওঁ।
ডকাইতি, হত্যা আৰু লুণ্ঠনৰ দৰে গুৰুতৰ অভিযোগত তেওঁৰ বিৰুদ্ধে ছামলী, মুজাফ্ফৰনগৰ আৰু বাঘপাট জিলাত মুঠ ৪০টাতকৈও অধিক গোচৰ ৰুজু হৈছিল। তথ্য অনুসৰি ২০১২ চনৰ এটা গোচৰত আদালতে তেওঁক ৭ বছৰৰ কাৰাদণ্ডৰ শাস্তি প্ৰদান কৰিছিল।এতিয়া এছটিএফে সমগ্ৰ ডকাইত গেঙৰ কাৰ্যকলাপৰ তদন্ত আৰম্ভ কৰিছে আৰু তেওঁলোকৰ বাকী সদস্যসকলৰ সন্ধান চলি আছে।
Continue Reading
