ডিজিটেল ডেস্কঃ এটা গৰুৰ পেটত পোৱা গ’ল ৬৫ কেজিৰ প্লাষ্টিক আৰু অন্যান্য কঠিন ধাতুৰ জাবৰ। সমগ্ৰ ঘটনাটোৱে চিকিৎসকসকলক বিস্মিত কৰি তুলিছে।
ঘটনাটো সংঘটিত হৈছে তামিলনাডুৰ মাদুৰাইত। কিছুদিন পূৰ্বে পৰমেশ্বৰম নামৰ এজন লোকে তেওঁৰ ৬ বছৰ বয়সীয়া পোহনীয়া গৰুটো এখন হস্পিতাললৈ লৈ আহিছিল।
চিকিৎসকসকলক তেওঁ জনায় যে গৰুটোৱে ভালদৰে খোৱা বোৱা কৰা নাই। প্ৰায়ে অনাহাৰে কটায়। ফলস্বৰূপে তাৰ স্বাস্থ্যৰ অৱনতি ঘটিছে।
তাৰপাছতে চিকিৎসকসকলে গৰুটোৰ স্বাস্থ্য পৰীক্ষা কৰে। তেতিয়াই গৰুটোৰ পাকস্থলীত অদ্ভূত কিছু দ্ৰব্য চকুত পৰে চিকিৎসকসকলৰ। গৰুটো অস্ত্ৰোপচাৰৰ সিদ্ধান্ত লোৱা হয়।
অস্ত্ৰোপচাৰ কৰি গৰুটোৰ পেটৰ পৰা ৬৫ কেজি প্লাষ্টিক আৰু অন্যান্য ধাতৱ জাবৰ উদ্ধাৰ কৰা হয়। কেনেকৈ ইমান পৰিমাণৰ প্লাষ্টিক গৰুটোৱে ভক্ষণ কৰিছিল, সেই কথা ভাবি চিকিৎসকলসকল আচৰিত হৈ পৰে। তদুপৰি ৬৫ কেজি প্লাষ্টিক পাকস্থলীত লৈও গৰুটো বাচি আছিল, সেই লৈও বিস্ময় প্ৰকাশ কৰিছে চিকিৎসকসকলে।
সংবাদমাধ্যমক চিকিৎসকসকলে জনাইছে যে পেটৰ ভিতৰত প্লাষ্টিকখিনি দলা বান্ধি আছিল। আৰু কিছু দিন এনেদৰে থকা হ’লে গৰুটোৰ মৃত্যু হ’লহেঁতেন।
Continue Reading
