ডিজিটেল ডেস্ক: সংকটে লগ নেৰা হৈছে আম আদমী পাৰ্টিক৷ দুদিন পূৰ্বে সঞ্জয় সিং ইডিৰ হাতত গ্ৰেপ্তাৰ হোৱাৰ পাছত এইবাৰৰ আদালতত বিফলতা ৰাজ্যসভাৰ সাংসদ ৰাঘৱ চাদ্ধাৰ৷
দিল্লীৰ পাটিয়ালা হাউচ আদালতে ৰাঘৱ চাদ্ধাক আৱণ্টন কৰা চৰকাৰী বাসভৱন খালী কৰাৰ ৰাজ্যসভা সচিবালয়ৰ নিৰ্দেশৰ অন্তৱৰ্তীকালীন স্থগিতাদেশ প্ৰত্যাহাৰ কৰিছে। আদালতৰ নিৰ্দেশৰ অৰ্থ হৈছে যে ৰাজ্যসভা সচিবালয়ে এতিয়া ৰাঘৱ চাদ্ধাক তেওঁৰ চৰকাৰী বাসভৱন খালী কৰিবলৈ দিব পাৰে।
পঞ্জাবৰ পৰা আম আদমী পাৰ্টিৰ ৰাজ্যসভাৰ সাংসদ হিচাপে নিৰ্বাচিত আপ নেতা ৰাঘৱ চাদ্ধাক যোৱা বছৰ ছেপ্টেম্বৰত দিল্লীৰ পাণ্ডাৰা ৰোডত টাইপ-৭ ‘বাংলো’ এটা আৱণ্টন কৰা হৈছিল। কিন্তু এই বছৰৰ মাৰ্চত ৰাঘৱ চাদ্ধাক জনোৱা হৈছিল যে তেওঁ তেওঁৰ টাইপ-৭ বাংলোটো খালী কৰিব লাগিব, কিয়নো এই বাংলো তেওঁৰ যোগ্যতা অনুসৰি তেওঁ পাব নোৱাৰে! চাদ্ধাক এটা বাংলোৰ সলনি এটা ফ্লেট আৱণ্টন কৰিবলৈ কোৱা হৈছিল।
কিন্তু, ৰাঘৱ চাদ্ধাই ইয়াৰ বিৰুদ্ধে আদালতৰ কাষ চাপিছিল। ১৮ এপ্ৰিলত দিল্লীৰ পাটিয়ালা হাউছ আদালতে ৰাঘৱ চাদ্ধাক বাংলোটো খালী কৰিবলৈ কোৱা ৰাজ্যসভা সচিবালয়ৰ নিৰ্দেশৰ ওপৰত অন্তৱৰ্তীকালীন স্থগিতাদেশ প্ৰদান কৰে। কিন্তু এতিয়া পাটিয়ালা হাউছ আদালতে সেই অন্তৱৰ্তীকালীন স্থগিতাদেশ উঠাই লৈছে। আদালতে কৈছে যে আৱণ্টন বাতিল হোৱাৰ পাছত ৰাঘৱ চাদ্ধাৰ এই ঘৰত বাস কৰাৰ আৰু অধিকাৰ নাই।
Continue Reading
