ডিজিটেল ডেস্কঃ দীৰ্ঘদিনীয়া প্ৰেমিকা মালাইকা অৰোৰাৰ সৈতে ব্ৰেকআপক লৈ এইকেইদিন শিৰোনাম দখল কৰিছে বলীউডৰ হেণ্ডচাম হাংক অৰ্জুন কাপুৰে। ৬ বছৰ ডেটিং কৰাৰ পাছত এই দম্পতীয়ে ইজনে সিজনৰ পৰা বিচ্ছিন্ন হোৱাৰ খবৰ আহিছিল। কিন্তু এতিয়া দুয়োৰে এনে এটা ভিডিঅ’ চৰ্চালৈ আহিছে। যিয়ে এই বিচ্ছেদৰ অন্ত পেলাইছে।
দৰাচলতে শেহতীয়াকৈ মুম্বাইৰ বৰষুণৰ মাজত মালাইকা অৰোৰা আৰু অৰ্জুনক একেলগে দেখা গৈছে। এই সময়ত অৰ্জুনে ক’লা টি-চাৰ্টৰ সৈতে ট্ৰাউজাৰ পিন্ধি স্প’ৰ্টী লুকত দেখা দিছিল। আনহাতে বগা টপৰ সৈতে মেচিং শ্বৰ্ট পিন্ধি মালাইকাক দেখা গৈছে। ভিডিঅ’টোত এই যুটিটোক ঘৰৰ পৰা ওলাই আহি নিজৰ গাড়ীত বহি থকা দেখা গৈছে। ভিডিঅ’টো চাই এতিয়া দুয়োৰে অনুৰাগীয়ে সকাহৰ হুমুনিয়াহ কাঢ়িছে৷
আৰু ইয়াৰ আগতে যেতিয়া মালাইকাই আন্তঃৰাষ্ট্ৰীয় কুকুৰ দিৱসৰ দিনা নিজৰ কুকুৰৰ সৈতে ছ’চিয়েল মিডিয়াত এটা ভিডিঅ’ পোষ্ট কৰিছিল। তেতিয়া অৰ্জুন কাপুৰেও অভিনেত্ৰী গৰাকীৰ এই ভিডিঅ'টোত এটা সুন্দৰ মন্তব্য কৰে। ইয়াৰ পিছত স্পষ্ট হৈ পৰিল যে এই দম্পতীও একেলগে আছে।
উল্লেখযোগ্য যে মালাইকাৰ সৈতে ব্ৰেকআপৰ খবৰৰ মাজতে অৰ্জুন কাপুৰৰ নাম অভিনেত্ৰী তথা বিখ্যাত ইউটিউবাৰ কুশা কপিলাৰ সৈতে জড়িত হৈ আছিল। কুশাই এই সন্দৰ্ভত এটা পোষ্টত যি মৌনতা ভংগ কৰিছিল আৰু লগতে এই উৰাবাতৰিবোৰ অস্বীকাৰ কৰিছিল।
Continue Reading
