ডিজিটেল ডেস্ক: ছালৰ ফেয়াৰনেছ ক্ৰীমৰ ব্যৱহাৰে ভাৰতত বৃদ্ধি কৰিছে বৃক্কৰ সমস্যা৷ এক নতুন অধ্যয়নত পোহৰলৈ আহিছে এই তথ্য৷ ফেয়াৰনেছ ক্ৰীমৰ ভাৰতত এক লাভজনক বজাৰ আছে। অৱশ্যে, এই ক্ৰীমবোৰত থকা বৃহৎ পৰিমাণৰ পাৰাৰ ফলত বৃক্কৰ ক্ষতি হয় বুলি জানিব পৰা গৈছে৷
স্বাস্থ্য সম্পৰ্কীয় আলোচনী ‘কিডনী ইণ্টাৰনেচনেল’ত প্ৰকাশিত অধ্যয়নটোৱে দেখুৱাইছে যে পাৰাৰ সৈতে ফেয়াৰনেছ ক্ৰীমৰ বৰ্ধিত ব্যৱহাৰে মেমব্ৰানাছ নেফ্ৰোপেথি (এম.এন.)ৰ দৰে ঘটনাবোৰ কঢ়িয়াই আনিছে, যি হৈছে কিডনী ফিল্টাৰ ক্ষতিগ্ৰস্ত কৰা আৰু প্ৰ'টিন লিকেজ সৃষ্টি কৰা এক স্থিতি।
এম.এন. হৈছে এক অটোইমিউন ৰোগ যাৰ ফলত নেফ্ৰোটিক চিণ্ড্ৰোম হয়, যি হৈছে একপ্ৰকাৰ বৃক্কৰ বিকাৰ যাৰ ফলত শৰীৰে প্ৰস্ৰাৱত অত্যাধিক প্ৰ'টিন নিষ্কাশন কৰে।
কেৰালাৰ কোট্টক্কালৰ এষ্টাৰ এমআইএমএছ চিকিৎসালয়ৰ নেফ্ৰোলজী বিভাগৰ এজন গৱেষক ডাঃ সজীশ শিৱদাসে Xত এক পোষ্টত লিখিছিল, পাৰা ছালৰ মাজেৰে শোষিত হয় আৰু বৃক্কৰ ফিল্টাৰবোৰত ধ্বংসৰ সৃষ্টি কৰে, যাৰ ফলত নেফ্ৰোটিক চিণ্ড্ৰোমৰ ঘটনা বৃদ্ধি হয়৷
অধ্যয়নটোৱে ২০২১ৰ জুলাইৰ পৰা যোৱাবছৰৰ ছেপ্টেম্বৰৰ ভিতৰত প্ৰতিবেদিত এমএনৰ ২২টা ঘটনা পৰীক্ষা কৰিছিল।
ফলাফলবোৰে দেখুৱাইছিল যে ২২ টাৰ ভিতৰত প্ৰায় ৬৮ শতাংশ বা ১৫ নিউৰাল এপিডাৰ্মাল বিকাশ কাৰকৰ বাবে ইতিবাচক আছিল৷
১৫জন ৰোগীৰ ভিতৰত ১৩জনে তেওঁলোকৰ লক্ষণ আৰম্ভ হোৱাৰ আগতে ছালৰ ফেয়াৰনেছ ক্ৰীম ব্যৱহাৰ কৰা বুলি স্বীকাৰ কৰিছিল। বাকীবোৰৰ ভিতৰত, এজনৰ পৰম্পৰাগত থলুৱা ঔষধ ব্যৱহাৰৰ ইতিহাস আছিল আনটোত কোনো চিনাক্তকৰিব পৰা ট্ৰিগাৰ নাছিল।
Continue Reading
