ফৈজাবাদ ৰে’ল ষ্টেছনৰ নাম সলনি; এইবাৰ কি নতুন নাম দিলে যোগী চৰকাৰে?

ডিজিটেল ডেস্কঃ উত্তৰ প্ৰদেশত বহু স্থানৰ নাম সলাই পেলোৱা হ'ল। যোগী আদিত্যনাথ নেতৃত্বাধীন বিজেপি চৰকাৰখনে ৰাজ্যখনৰ বহু ৰাজহুৱা স্থানৰ নাম সলনি কৰি নতুন নাম প্ৰদান কৰিলে । মোগলচৰাই, এলাহাবাদ আদি ৰে’ল ষ্টেছনৰ নাম কৰাৰ পাছত এইবাৰ যোগী চৰকাৰে ফৈজাবাদ ৰে’ল ষ্টেছনৰ নাম সলনি কৰিলে। ফৈজাবাদ ৰে’ল ষ্টেছনে মোগল যুগৰ স্বাক্ষৰ বহন কৰি আছিল। ফৈজাবাদ ৰে’ল ষ্টেছনৰ নতুন নাম ৰখা হ’ল অযোধ্যা কেণ্টনমেণ্ট বুলি।

ফৈজাবাদ নামটোৱে মোগল যুগৰ নামক প্ৰতিনিধিধিত্ব কৰে বাবে বিশ্ব হিন্দু পৰিষদে ফৈজাবাদ নামটোক লৈ আপত্তি দৰ্শাইছিল। দুবছৰ পূৰ্বে বিশ্ব হিন্দু পৰিষদে ফৈজাবাদ ৰে’ল ষ্টেছনৰ নাম সলনি কৰিবলৈ যোগী আদিত্যনাথৰ চৰকাৰক আবেদন জনাইছিল।

আৰু পঢ়কঃ অবিশ্বাস্য!৭০ বৰ্ষীয় বৃদ্ধাই জন্ম দিলে জীৱনৰ প্ৰথমটো সন্তান,কেনেকৈ এই চমৎকাৰ?

বিশ্ব হিন্দু পৰিষদৰ উক্ত আবেদনৰ প্ৰতি সঁহাৰি জনায়েই যোগীৰ চৰকাৰে ফৈজাবাদ ৰে’ল ষ্টেছনৰ নাম সলনি কৰি অযোধ্যা কেণ্টনমেণ্ট ৰখাৰ সিদ্ধান্ত গ্ৰহণ কৰে। ফৈজাবাদ নাম মোহাৰি অযোধ্যা কেণ্টনমেণ্ট বুলি নামফলক অঁৰাৰ কাম ইতিমধ্যে আৰম্ভ হৈছে।