ডিজিটেল ডেস্কঃ গা ধোৱাৰ পাছত আমাৰ দেহা-মন শাঁত পৰে। গোটেই দিনটোৰ ভাগৰ দূৰ কৰিবলৈ গা ধোৱাটো অতি ফলপ্ৰসূ। গা ধুলে আমি সতেজ অৱুভৱ কৰো। ই শৰীৰ পৰিষ্কাৰ কৰে আৰু বহুতো ৰোগৰ পৰা আঁতৰাই ৰাখে। কিন্তু প্ৰায়ে গা ধোৱাৰ পিছত আমি এনে কিছুমান ভুল কৰো যিবোৰে কেৱল আমাৰ চুলিৰ ক্ষতি কৰাই নহয় ছালখনো বহু দিশত ক্ষতি কৰে। গা ধোৱাৰ পাছত আমি কি ভুল কৰিব নালাগে জানো আহক।
গা ধোৱাৰ পিছত এইবোৰ ভুল নকৰিব
১)গা ধোৱাৰ পিছত চুলিত টাৱেল মেৰিয়াই লোৱাঃ গা ধোৱাৰ পিছত টাৱেল মেৰিয়াই লোৱাটো চুলিৰ বাবে অতি ক্ষতিকাৰক। আপোনালোকক কওঁ যে গা ধোৱাৰ পিছত চুলিখিনি পাক মাৰি টাৱেল বান্ধিলে চুলিৰ বহুত ক্ষতি হয়, এনে কৰিলে চুলিৰ গুৰিবোৰ দুৰ্বল হৈ পৰে।গতিকে এনে কৰাৰ পৰিৱৰ্তে চুলিখিনি প্ৰাকৃতিকভাৱে শুকুৱাবলৈ দিয়া উচিত।
২)মুখত টাৱেল ঘঁহি থকাঃ প্ৰায়ে যেতিয়া মানুহে গা ধুই আহে, তেতিয়া তেওঁলোকে মুখত টাৱেল ঘঁহি মুখৰ পানী শুকুৱাবলৈ যত্ন কৰে। মুখত টাৱেল ঘঁহি থাকিলে ছালৰ ক্ষতি হয়। কপাহী কাপোৰে পাতলকৈ মুখ মচিব লাগে। প্ৰাকৃতিকভাৱে মুখৰ পানী শুকাবলৈ দিয়া উচিত।
৩)ভিজা চুলি ফণীওৱাঃ বহুতে গা ধোৱাৰ পিছত ভিজা চুলি ফণীৱাবলৈ আৰম্ভ কৰে, এনেদৰে চুলি ফণীওৱাটো বহুতে সহজ বুলি ভাবে। কিন্তু সেয়া একেবাৰেই নহয়। এনে কৰিলে আপোনাৰ চুলিৰ ক্ষতি হোৱাৰ লগতে আপোনাৰ চুলি সৰাও আৰম্ভ হ’ব পাৰে। সেয়ে ভিজা চুলি কেতিয়াও নফণীৱাব।
কেৱল মুখখন মইশ্ব’ৰাইজ কৰা
৪) কেৱল মুখত মইশ্ব’ৰাইজ সনাঃ আমি সকলোৱে গা ধোৱাৰ পিছত মুখখন মইশ্ব’ৰাইজ কৰি মুখৰ যত্ন লওঁ কিন্তু শৰীৰৰ বাকী অংশ মইশ্ব’ৰাইজ নকৰো। গা ধোৱাৰ পিছত গোটেই শৰীৰটো শুকান হৈ পৰে, গতিকে মুখৰ লগতে গোটেই শৰীৰটোক মইশ্ব’ৰাইজ কৰাটো জৰুৰী। ইয়াৰ বাবে নাৰিকল তেল ব্যৱহাৰ কৰিব পাৰে।
