ডিজিটেল ডেস্ক : যিসকল লোকৰ ইতিমধ্যে
বাতবিষ বা গাঁঠিৰ লগত জড়িত যিকোনো ৰোগ হৈছে, তেওঁলোকৰ শীতকালত আৰু অধিক সমস্যা বাঢ়িবলৈ
আৰম্ভ কৰে। আনকি বাতবিষ নথকাসকলেও শীতকালত গাঁঠিৰ বিষ আৰু জঠৰতাত সমস্যাৰ সন্মুখীন
হয়। এই সকলোবোৰ শীতকালত ঘটে কাৰণ এই বতৰত বহুতৰে শাৰীৰিক ক্ৰিয়া-কলাপ কমি যায়। ফলত
এই সমস্যাৰ পৰা কেনেকৈ মুক্তি পাব পাৰি জানো আহক।
শীতকালত গাঁঠিৰ বিষৰ ঘৰুৱা প্ৰতিকাৰ
* এন্টিঅক্সিডেন্ট খাদ্য খাব লাগে-
গাঁঠিৰ সমস্যাৰ পৰা সকাহ পাবলৈ
এন্টিঅক্সিডেন্ট সমৃদ্ধ খাদ্য গ্ৰহণ কৰিব লাগে। ইয়াৰ বাবে ফলমূল, শাক-পাচলি, অলিভ
অইল খাব পাৰে। নন-ভেজ খালে মাছ অতি উপকাৰী।
* ভিটামিন-ডিৰ অভাৱ-
শীতকালত শৰীৰৰ গাঁঠিবোৰৰ যত্ন ল’ব
লাগে। এই নমনীয়তা বজাই ৰাখিবলৈ কেৱল ভাল খাদ্যই নহয়, ভিটামিন-ডিৰো প্ৰয়োজন। সেইবাবেই
দৈনিক কিছু সময় ৰ’দত বহি ভিটামিন-ডি অভাৱ দূৰ কৰিব পাৰে।
* ষ্ট্ৰেচিং কৰক-
যদি গাঁঠিৰ বিষত অধিক অসুবিধা পায়
তেন্তে লাহে লাহে লৰচৰ কৰিব লাগে। ইয়াৰ বাবে আপুনি ঘৰতে কিছুমান সহজ ষ্ট্ৰেচিং কৰিব
পাৰে। ইয়াৰ উপৰি চিকিৎসক বা প্ৰশিক্ষকৰ সৈতেও কথা পাতিব পাৰে। মনত ৰাখিব যে এই ষ্ট্ৰেচিংটো
অতি সাৱধানে কৰক, যাতে আপুনি যিকোনো ধৰণৰ আঘাতৰ পৰা হাত সাৰিব পাৰে।
* গৰম কৰি ৰাখক-
গাঁঠিৰ অত্যধিক বিষ হোৱাৰ এটা কাৰণ
হ’ল শীতকালত হোৱা ঠাণ্ডা অনুভৱ। সেইবাবেই কিছু সময় জুই বা হিটাৰৰ সহায় ল’ব পাৰে। যাৰ
বাবে আপোনাৰ শৰীৰৰ উষ্ণতা সামান্য বৃদ্ধি পাব পাৰে আৰু বিষৰ পৰা সকাহ দিব পাৰে।
