গাঁঠি ফুলা বা বিষ, বাতবিষৰ লক্ষণ হ’ব পাৰে, জানি লওক প্ৰতিৰোধৰ ঘৰুৱা উপায়

ডিজিটেল ডেস্ক : বয়স বৃদ্ধিৰ লগে লগে বহুতো শাৰীৰিক সমস্যাই আগুৰি ধৰে। বাতবিষ হৈছে এনে এক সমস্যা। বাত ৰোগত গাঁঠি আৰু হাড়ত বহুত বিষ আৰু জঠৰতাই দেখা দিয়ে। ৫০ বছৰ বয়সৰ পাছত বাতবিষ হোৱা দেখা যায় যদিও পৰিবৰ্তনশীল জীৱনশৈলী আৰু খাদ্যাভ্যাস দুৰ্বল নীতিৰ ফলতেই কম বয়সতে বাতবিষৰ সমস্যা হৈ হাড়বোৰ ক্ষয় হ’বলৈ ধৰে। বাতবিষৰ সমস্যাৰ পৰা সকাহ পাবলৈ আপুনি কিছুমান ফলপ্ৰসূ ঘৰুৱা উপায় গ্ৰহণ কৰিব পাৰে। আহকচোন এই ঘৰুৱা প্ৰতিকাৰৰ বিষয়ে জানো-

১. আদা উপকাৰীঃ-বাতবিষৰ সমস্যা দূৰ কৰিবলৈ আদা ব্যৱহাৰ কৰিব পাৰে। আদাত বিষনাশক গুণ আছে, যিয়ে গাঁঠিৰ বিষৰ পৰা উপশম দিব পাৰে। বাতবিষৰ সমস্যা হ’লে ৬ চামুচ শুকান আদা গুড়ি, ৬ চামুচ ক’লা জিৰা গুড়ি আৰু ৩ চামুচ ক’লা জলকীয়া গুড়ি পানী মিহলি কৰি দিনে তিনিবাৰ মিহলাই খাব পাৰে। ইয়াৰ দ্বাৰা আপুনি বাতবিষৰ ফলত হোৱা বিষৰ পৰা উপশম পাব পাৰে।

২. আপেল চাইডাৰ ভিনেগাৰঃ-আপেল চাইডাৰ ভিনেগাৰৰ পৰা শৰীৰে কেলচিয়াম, খনিজ পদাৰ্থ, মেগনেছিয়াম, পটাছিয়াম আৰু ফছফৰাছ প্ৰচুৰ পৰিমাণে পোৱা যায়, যিয়ে গাঁঠিৰ বিষ কমাব পাৰে। বাতবিষত প্ৰতিদিনে পুৱা এচামুচ আপেল চাইডাৰ ভিনেগাৰ আৰু মৌ একাপ গৰম পানীৰ লগত মিহলাই খালে বহুতো উপকাৰী পোৱা যায়।

৩. সৰিয়হৰ তেলঃ-গাঁঠিৰ বিষত সৰিয়হ তেল ব্যৱহাৰ কৰিব লাগে। সৰিয়হ তেল ব্যৱহাৰ কৰিলে গাঁঠিবোৰত তেজৰ গতি সুস্থিৰ হৈ বিষৰ পৰা কিছু হ’লেও সকাহ পাব পাৰি।