গ্ৰীষ্মকাল আগমনৰ লগে লগে বৃদ্ধি পায় হিট ষ্ট্ৰ’কৰ আশংকা, ৫বিধ খাদ্যই এনে আশংকা দূৰ কৰাত সহায় কৰে, জানি লওঁক

ডিজিটেল ডেস্ক : গ্ৰীষ্মৰ আগমনৰ লগে লগে বহু লোক অসুস্থ হ’বলৈ ধৰে। দৰাচলতে শৰীৰত পানীৰ অভাৱৰ বাবেই এই সমস্যাৰ সন্মুখীন হ’বলগীয়া হৈছে। এনে পৰিস্থিতিত হিট ষ্ট্ৰোকৰ পৰা হাত সাৰিবলৈ এনে খাদ্য তালিকাত অন্তৰ্ভুক্ত কৰক, যিয়ে হজম শক্তি বৃদ্ধি কৰে আৰু এনে বতৰত ফিট হৈ থকাত সহায় কৰে। এই খাদ্যসমূহৰ বিষয়ে জানো আহক...

১. পদিনাঃ-সতেজ পদিনা পাত খালে হিট ষ্ট্ৰ’কৰ পৰা সকাহ পাব পাৰি। ইয়াত থকা মেন্থলে শৰীৰ শীতল কৰি ৰখাৰ লগতে হিট ষ্ট্ৰ’ক আশংকা দূৰ কৰে।

২. কিৱিঃ-এক প্ৰতিবেদন অনুসৰি নিয়মীয়াকৈ কিৱি সেৱনে শৰীৰত পানীৰ অভাৱ দূৰ কৰিব পাৰে। ইয়াত থকা পটাছিয়ামে হিট ষ্ট্ৰ’কৰ পৰা সকাহ দিয়াত সহায় কৰে।

৩. আমঃ-স্বাস্থ্যৰ বাবে আম এক আশীৰ্বাদতকৈ কম নহয়। ইয়াত প্ৰ’টিন, ভিটামিন-এ, বি৬, চি, আইৰণ, ফ’লেট, মেগনেছিয়াম, ৰাইব’ফ্লেভিন আৰু ডায়েটাৰী ফাইবাৰ আদি পুষ্টিকৰ উপাদান থাকে। গ্ৰীষ্মকালৰ বাবে ইয়াক ছুপাৰফুড বুলি গণ্য কৰা হয়। যদি আপুনি হিটষ্ট্ৰক এৰাই চলিব বিচাৰে তেন্তে আম খাব।

৪. সেউজীয়া শাক-পাচলিঃ-গৰমৰ দিনত নিজকে হাইড্ৰেটেড কৰি ৰাখিবলৈ নিশ্চিতভাৱে সেউজীয়া শাক-পাচলি খাব লাগে। ই পুষ্টিকৰ উপাদানৰ ভঁৰাল, ইয়াত ভিটামিন-চি, ভিটামিন-কে, পটাছিয়াম আৰু মেংগানিজৰ দৰে পুষ্টিকৰ উপাদান পোৱা যায়। যিয়ে গ্ৰীষ্মকালত ফিট হৈ থকাত সহায় কৰে। বিশেষজ্ঞসকলৰ মতে পানীৰে সমৃদ্ধ ঋতুভিত্তিক খাদ্য, যিয়ে শৰীৰক জলসিঞ্চিত কৰি ৰখা উপৰি পাচনতন্ত্ৰ শক্তিশালী কৰে।

৫. বেলঃ-বেলত প্ৰচুৰ পৰিমাণে আঁহ থাকে, ই হজম শক্তি উন্নত কৰে আৰু কোষ্ঠকাঠিন্য দূৰ কৰাত সহায় কৰে। ইয়াৰ উপৰি ইয়াত থকা এন্টি-অক্সিডেন্ট গুণ আৰু ভিটামিন-চি ৰোগ প্ৰতিৰোধ ক্ষমতা শক্তিশালী কৰাত সহায় কৰে।