ডিজিটেল ডেস্কঃ ক’ভিড ভেকছিনে এবছৰতকৈও অধিক সময়ৰ ভিতৰত প্ৰায় ৩ লক্ষ্যাধিকতকৈও অধিক আমেৰিকান লোকৰ জীৱন ৰক্ষা কৰিব পাৰিলেহেঁতেন বুলি দেশৰ গৱেষকসকলে দাবী কৰিছে। আমেৰিকা যুক্তৰাষ্ট্ৰৰ ব্ৰাউন বিশ্ববিদ্যালয়, মাইক্ৰছফ্ট এআই হেল্থ, হাৰ্ভাৰ্ড টি এইচ চান স্কুল অৱ পাব্লিক হেল্থৰ গৱেষকসকলে দাবী কৰিছে যে, ২০২১ চনৰ জানুৱাৰীৰ পৰা চলিত বৰ্ষৰ এপ্ৰিললৈকে দেশখনত ৬,৪১,০০০ ক’ভিড ৰোগীৰ মৃত্যু হৈছে। গৱেষকসকলৰ বিশ্লেষণ অনুসৰি, এই বিপুল সংখ্যক কৰ’না ৰোগীৰ আধাতকৈও অধিক ৰোগীক আৰোগ্য কৰিব পৰা গ’লহেঁতেন। ক’ভিড ভেকছিন প্ৰয়োগ কৰিলেহে এয়া সম্ভৱ হ'লহেঁতেন বুলি দাবী গৱেষকৰ।
ক’ভিড ভেকছিনৰ কাৰ্যকৰীতা সম্পৰ্কে বহুতো আমেৰিকানৰ মনত সন্দেহ থকা বুলি সদৰী কৰিছে গৱেষকসকলে। ইয়াৰোপৰি, ভেকছিন উপলব্ধ নোহোৱা বাবে বহুতে ল’ব পৰা নাই বুলিও প্ৰকাশ পাইছে। এইবোৰ কাৰণতে আমেৰিকা যুক্তৰাষ্ট্ৰত ক’ভিডত মৃত্যু হোৱা ৰোগীৰ সংখ্যা বন্ধ কৰিব পৰা নগ'ল বুলি বিশ্বাস গৱেষকৰ।
আমেৰিকা যুক্তৰাষ্ট্ৰৰ কোনবোৰ ৰাজ্যত ক’ভিডৰ ফলত হোৱা মৃত্যু প্ৰতিহত কৰিব পাৰিলেহেঁতেন? গৱেষকসকলৰ মতে, তালিকাৰ শীৰ্ষত থকা পাঁচখন ৰাজ্য হৈছে। পশ্চিম ভাৰ্জিনিয়াত ২,৩৩৮ ৰোগীৰ মৃত্যু প্ৰতিৰোধ কৰিব পৰা গ’লহেঁতেন। আনহাতে, বহুতো ৰোগীক ৱিওমিঙত ২,১০৯, টেনেচীত ২,০৭৭, কেণ্টাকীত ২,০৬৫ আৰু ওকলাহোমাত ১,৯৪০ ৰোগীক মৃত্যুৰ পৰা ৰক্ষা কৰিব পৰা গ’লহেঁতেন।
Continue Reading
