ডিজিটেল
ডেস্ক : সনাতন ধৰ্মত তুলসীক অতি পৱিত্ৰ বুলি গণ্য কৰে। সেয়েহে হিন্দুধৰ্মী লোকসকলে
নিজৰ ঘৰৰ চোতালত তুলসী গছ ৰোপণ কৰি পূজা কৰে। ঘৰত তুলসী গছ ৰোপণ কৰিলে ধনাত্মক শক্তিৰ
সঞ্চাৰ হয়। ইয়াত মালক্ষ্মী আৰু ভগৱান বিষ্ণু বাস কৰে বুলি বিশ্বাস কৰা হয়। সেয়েহে
তুলসী গছত দৈনিক পানী অৰ্পণ কৰিলে মালক্ষ্মী আৰু বিষ্ণুৰ আশীৰ্বাদ পোৱা যায়।
কিন্তু ঘৰৰ বাবে কোনবিধ তুলসী গছ শুভ সেই কথা জানো আহক।
উল্লেখ্য যে এই তুলসী গছ দুটা ভাগত বিভক্ত।ৰাম তুলসী আৰু শ্যাম তুলসী। প্ৰায়ে ঘৰত তুলসী গছ ৰোপণ কৰোতে কোনবিধ তুলসী ৰুব লাগে তাক লৈ বহু লোক বিভ্ৰান্ত হৈ পৰা দেখা যায়। সেয়েহে আজি আমি ঘৰত কোনবিধ তুলসী গছ ৰোপণ কৰিব লাগে জানো আহক।
* ৰাম তুলসীঃ-ৰাম তুলসীৰ পাতবোৰ সেউজীয়া ৰঙৰ। ৰাম তুলসী ভগৱান ৰামৰ অতি প্ৰিয় আছিল বুলি বিশ্বাস কৰা হয়, সেয়েহে ইয়াক ৰাম তুলসী বুলি কোৱা হয়। ৰাম তুলসীৰ পাত অতি মিঠা আৰু ঘৰত ৰোপণ কৰাটো অতি শুভ। এইবিধ তুলসী গছে ঘৰলৈ সুখ-সমৃদ্ধি বৃদ্ধি কৰে। ইয়াৰ উপৰি কেৱল ৰাম তুলসীহে উপাসনাত ব্যৱহাৰ কৰা হয়।
*
শ্যামা তুলসীঃ-শ্যামা তুলসীৰ পাত গাঢ় সেউজীয়া বা বেঙুনীয়া ৰঙৰ হয়। হিন্দুশাস্ত্ৰ
অনুযায়ী শ্যামা তুলসী ভগৱান শ্ৰীকৃষ্ণৰ খুবেই ভাল পাইছিল। কৃষ্ণৰো এটা নাম আছিল শ্যামা, সেইবাবেই এই তুলসীক শ্যামা তুলসী বুলি কোৱা
হয়। ৰাম তুলসীতকৈ ইয়াৰ মিঠা কম।
*
কোনটো তুলসী ৰোপণ কৰিব লাগে-
ৰাম
আৰু শ্যামা তুলসী দুয়োবিধেই ঘৰত ৰোপণ কৰাটো শুভ। কিন্তু উপাসনাত ৰাম তুলসীৰ ব্যৱহাৰৰ
বাবে বেছিভাগ ঘৰতে কেৱল ৰাম তুলসীহে ৰোপণ কৰা হয়। ইয়াৰ দ্বাৰা প্ৰগতিৰ বাট মুকলি
হয়। বৃহস্পতিবাৰ, শুকুৰবাৰ
আৰু শনিবাৰ তুলসী গছ ৰোপণৰ বাবে আটাইতকৈ শুভ দিন বুলি ধৰা হয়। এইকেইদিনত তুলসী গছ
ৰোপণে ভগৱান বিষ্ণু আৰু মালক্ষ্মীৰ কৃপাত বহুত ধন-সম্পত্তি আৰু উন্নতি হয়। আনহাতে একাদশী, গ্ৰহণৰ দিন, দেওবাৰ, সোমবাৰ আৰু বুধবাৰে তুলসী প্ৰয়োগ পৰিহাৰ কৰিব লাগে।
Continue Reading
