ঘাটিত চলি আছে ফেচবুক, ইফালে ফেচবুকৰ চিইঅ’ জুকাৰবাৰ্গে অৰ্জন কৰিলে তিনিগুণ লাভ, কেনেকৈ?

ডিজিটেল ডেস্ক : বিশ্বৰ ১ নম্বৰ ছ’চিয়েল মিডিয়া প্লেটফৰ্ম ফেচবুকৰ সহ-প্ৰতিষ্ঠাপক মাৰ্ক জুকাৰবাৰ্গে দীৰ্ঘদিনৰ পাছত সংবাদ মাধ্যমৰ শিৰোনামলৈ আহিছে। এইবাৰ তেওঁৰ আলোচনা ফেচবুকৰ লাভ-লোকচানৰ বিষয়ে নহয়, বৰঞ্চ এটা চুক্তিৰ বিষয়েহে, যাৰ পৰা তেওঁ প্ৰায় ৩ গুণ লাভ কৰিছে। আচলতে জুকাৰবাৰ্গে ছান ফ্ৰান্সিস্কোত থকা নিজৰ বিলাসী ঘৰটো ৩ কোটি ১০ লাখ ডলাৰত অৰ্থাৎ প্ৰায় ২৫০ কোটি টকাত বিক্ৰী কৰিছে। ৭ হাজাৰ বৰ্গফুটতকৈ অধিক আয়তনৰ এই ঘৰটো এই বছৰ ছান ফ্ৰান্সিস্কোত বিক্ৰী হোৱা আটাইতকৈ দামী ঘৰ।

 ১. কিদৰে লাভৱান হ’ল?

সংবাদ মাধ্যমৰ খবৰ অনুসৰি ২০১২ চনৰ নৱেম্বৰ মাহত জুকাৰবাৰ্গে এই ঘৰটো ক্ৰয় কৰিছিল। তেতিয়া ইয়াৰ খৰচ আছিল মাত্ৰ এক কোটি ডলাৰ অৰ্থাৎ প্ৰায় ৮০ কোটি টকা। এতিয়া ১০ বছৰৰ পাছত তিনিগুণ বেছি দামত বিক্ৰী কৰি ভাল লাভ অৰ্জন কৰিছে। এই ঘৰটো ১৯২৮ চনত নিৰ্মাণ কৰা হৈছিল। অৰ্থাৎ ইয়াৰ বয়স প্ৰায় ৯৪ বছৰ।

 ২. বহু ঘৰৰ মালিক জুকাৰবাৰ্গ

ইয়াৰ অৱস্থানৰ বিষয়ে ক’বলৈ গ’লে ই মিছন ডিষ্ট্ৰিক্ট আৰু জুকাৰবাৰ্গ ছান ফ্ৰান্সিস্কো জেনেৰেল হস্পিতাল আৰু ট্ৰমা চেণ্টাৰৰ ওচৰত। ফেচবুকৰ আই পি অ’ৰ পাছতে কিনিছিল জুকাৰবাৰ্গে। ইয়াৰ উপৰি কোটি কোটি টকা খৰচ কৰি উন্নত কৰা হৈছিল। এই ঘৰটোৰ উপৰি জুকাৰবাৰ্গৰ ছিলিকন ভেলী, লেক টাহো আৰু হাৱাইত আন বিলাসী ঘৰ আছে।

 ৩. হ্ৰাস পাইছে সম্পত্তিৰ পৰিমণ-

মাৰ্ক জুকাৰবাৰ্গৰ নেট ৱৰ্থ ক্ৰমাগতভাৱে হ্ৰাস পাইছে। ব্লুমবাৰ্গ বিলিয়নাৰছ ইনডেক্সৰ মতে, বৰ্তমান তেওঁৰ মুঠ সম্পত্তিৰ পৰিমাণ প্ৰায় ৬১.৯ বিলিয়ন ডলাৰ। ফেচবুকৰ শ্বেয়াৰ এই বছৰ যথেষ্ট হ্ৰাস পাইছে, যাৰ ফলত তেওঁলোকৰ সম্পত্তি প্ৰায় ৫০ শতাংশ হ্ৰাস পাইছে। পৰিসংখ্যা অনুসৰি এই বছৰ ২০২২ চনৰ ২৬ জুলাইলৈকে জুকাৰবাৰ্গে ৬৩.৫ বিলিয়ন ডলাৰৰ সম্পত্তি হেৰুৱাইছে। বিশ্বৰ ধনী ব্যক্তিৰ তালিকাতো তেওঁ বহু পিছ পৰি আছে। এসময়ত তেওঁ শীৰ্ষ দহৰ ভিতৰত আছিল, কিন্তু এতিয়া তেওঁ ১৭ নম্বৰ স্থানত আছে।