২০২৩ চন আমাৰ মাজত আহিবলৈ ১০ দিনো বাকী নাই। ইয়াৰ বাবে বহু ঘৰত নৱবৰ্ষৰ কেলেণ্ডাৰ কিনা হৈছে বা পৰিকল্পনা চলি আছে। বাস্তুশাস্ত্ৰত কেলেণ্ডাৰ সন্দৰ্ভত বহুতো বিশেষ নিয়ম দিয়া হৈছে, যিবোৰ আমি সকলোৱে পালন কৰা উচিত। তেনে নকৰিলে সৌভাগ্য দুৰ্ভাগ্যলৈ পৰিণত হ’বলৈ বেছ

Listen to Article

2 min read

80%

ডিজিটেল ডেস্কঃ ২০২৩ চন আমাৰ মাজত আহিবলৈ ১০ দিনো বাকী নাই। ইয়াৰ বাবে বহু ঘৰত নৱবৰ্ষৰ কেলেণ্ডাৰ কিনা হৈছে বা পৰিকল্পনা চলি আছে। বাস্তুশাস্ত্ৰত কেলেণ্ডাৰ সন্দৰ্ভত বহুতো বিশেষ নিয়ম দিয়া হৈছে, যিবোৰ আমি সকলোৱে পালন কৰা উচিত। তেনে নকৰিলে সৌভাগ্য দুৰ্ভাগ্যলৈ পৰিণত হ’বলৈ বেছি সময় নালাগে। নৱবৰ্ষৰ কেলেণ্ডাৰখন ঘৰত আঁৰোতে কিছুমান কাম ভুলতো কৰিব নালাগে। কি কি কাম কৰিব নালাগে জানো আহক।

১) পুৰণি কেলেণ্ডাৰৰ ওপৰত নতুন কেলেণ্ডাৰ নাৰাখিবঃ যেতিয়াই আপুনি নতুন বছৰৰ কেলেণ্ডাৰ কিনে, এটা কথা মনত ৰাখিব যে ভুলতো পুৰণি কেলেণ্ডাৰৰ ওপৰত নতুন কেলেণ্ডাৰখন আঁৰি নিদিব। এনে কৰিলে ঘৰত ঋণাত্মক শক্তিৰ প্ৰবাহ বাঢ়ি যায়। যাৰ বাবে পৰিয়ালটোৱে বিবাদ আৰু আৰ্থিক সংকটৰ সন্মুখীন হ’বলগীয়া হয়। ইয়াৰ লগতে এইটোও মনত ৰাখিব যে নতুন কেলেণ্ডাৰখন বেয়া কৰিব নালাগে, নহ’লে ঘৰত বাস্তু দোষৰ সৃষ্টি হ’ব পাৰে।

২) নতুন কেলেণ্ডাৰৰ লগত এনে ছবি নাৰাখিবঃ যেতিয়াই আপুনি নতুন কেলেণ্ডাৰ ব্যৱহাৰ কৰিব তেতিয়াই মনত ৰাখিব যে ৰক্তপাত, যুদ্ধ, শুকান গছ, অসুখী পুৰুষ-মহিলা বা সৰাপাতৰ লগত জড়িত কোনো ছবি থাকিব নালাগে। এনে কৰিলে ঘৰত মানসিক উত্তেজনা বাঢ়ি যায় আৰু জীৱনত নিৰাশা বিয়পি পৰে। ইয়াৰ লগতে ঘৰৰ সুখ-শান্তিও বিঘ্নিত হ’ব পাৰে।

৩) দুৱাৰৰ আঁৰত নতুন কেলেণ্ডাৰ ওলোমাই নিদিবঃ নতুন কেলেণ্ডাৰ ওলোমাই দিয়াৰ সময়ত মনত ৰাখিব যে ইয়াক কিছুমান ঠাইত বা দিশত ওলোমাই থ’ব নালাগে। এনে কৰিলে ঘৰত বাস্তু দোষৰ সৃষ্টি হয় আৰু পৰিয়ালৰ অগ্ৰগতি বন্ধ হৈ যায়। বিশেষকৈ মূল দুৱাৰৰ আঁৰত কেলেণ্ডাৰ ওলোমাই ৰখাৰ পৰা বিৰত থাকক। লগতে ভুলতো দক্ষিণ দিশত কেলেণ্ডাৰ ওলোমাই থব নালাগে। এই দিশটোক মৃত্যুৰ দেৱতা যমৰাজৰ বুলি গণ্য কৰা হয় আৰু এই দিশত কেলেণ্ডাৰ ওলোমাই ৰখাৰ অৰ্থ হ’ল তেওঁক ঘৰলৈ আহিবলৈ নিমন্ত্ৰণ কৰা।

৪) এই ৰংবোৰৰ কেলেণ্ডাৰ থকাটো শুভঃ কিছুমান ৰং বাস্তু শাস্ত্ৰত অতি শুভ বুলি গণ্য কৰা হৈছে। যদি আপুনি আপোনাৰ ঘৰত এনে এটা ৰঙৰ কেলেণ্ডাৰ ৰাখে, তেন্তে ধনাত্মক শক্তিৰ প্ৰবাহ বৃদ্ধি পায়। ইয়াৰ ভিতৰত বগা, সেউজীয়া, গুলপীয়া, ৰঙা আৰু নীলা ৰং অন্যতম। এই ৰঙীন কেলেণ্ডাৰবোৰৰ যিকোনো এটা আপুনি আপোনাৰ ঘৰত ওলোমাই ৰাখিব পাৰে। এই ৰঙীন কেলেণ্ডাৰ প্ৰয়োগ কৰিলে পৰিয়ালত সুখ আৰু সমৃদ্ধি বৃদ্ধি পায়।

কেলেণ্ডাৰখন কোন দিশত ওলোমাই দিব?

ঘৰত কেলেণ্ডাৰ কোন দিশত ওলোমাই থ’ব লাগে সেই কথাও আমি জনা উচিত। উত্তৰক কুবেৰৰ দিশ বুলি কোৱা হয়। বিশ্বাস কৰা হয় যে কেলেণ্ডাৰখন এই দিশত ওলোমাই ৰাখিলে অৰ্থনৈতিক ক্ষেত্ৰত বহু অগ্ৰগতি লাভ কৰা হয়। কেলেণ্ডাৰখন পশ্চিম দিশত ওলোমাই ৰাখিলে আবদ্ধ কামবোৰ সফল হৈ পৰে আৰু কেৰিয়াৰত সফলতাও থাকে। পঞ্জিকাখন পূব দিশত ৰাখিলে পৰিয়ালত সুখ আৰু সমৃদ্ধি লাভ কৰে।