ডিজিটেল ডেস্কঃ বলীউডৰ জনপ্ৰিয় কণ্ঠশিল্পী নেহা কক্কৰ আৰু ৰোহনপ্ৰীত সিঙৰ ডিভ’ৰ্চ হ’ব বুলি ঘুনুক ঘানাককৈ খবৰ বিয়পি পৰিছে। ২০২০ চনত নিজতকৈ ৬ বছৰৰ সৰু ৰোহনপ্ৰীতৰ সৈতে ধুমধামেৰে বিবাহপাশত আৱদ্ধ হৈছিল নেহা। এতিয়া এই সংসাৰখনত ঘূণে ধৰিছে বুলি খবৰ প্ৰকাশ পাইছে। কণ্ঠশিল্পী নেহা কক্কৰ আৰু ৰোহনপ্ৰীত সিঙৰ বিবাহ বিচ্ছেদ হ’ব বুলি ওলোৱা খবৰে অনুৰাগীৰ হৃদয় ভাঙি পেলাইছে।
অৱশ্যে এই সন্দৰ্ভত এতিয়ালৈকে দুয়োৰে পৰা কোনো আনুষ্ঠানিক বিবৃতি অহা নাই। কিন্তু প্ৰশ্ন উত্থাপন হয় যে ছ’চিয়েল মিডিয়াত এই কথাটো কেনেকৈ আহিল? দুয়োৰে মাজত কি চলি আছে এতিয়া?
৬ জুনত নেহা কক্কাৰে পালন কৰিলে নিজৰ জন্মদিন। এই সময়ছোৱাত পিতৃ-মাতৃ আৰু ভগ্নী চনু কক্কৰক তেওঁৰ সৈতে দেখা পোৱা গৈছিল। জন্মদিনত স্বামী ৰোহনপ্ৰীত নাছিল নেহাৰ সৈতে। নেহাৰ জন্মদিন উদযাপনৰ ছবিত ৰোহনপ্ৰীতক নেদেখি অনুৰাগীয়ে অনুমান কৰিছে যে হয়তো দুয়োৰে মাজত বিবাদ চলি আছে। আনকি ৰোহনপ্ৰীতে নেহাক জন্মদিনৰ শুভকামনা জনাই ছ’চিয়েল মিডিয়াত নিদিলে একো পোষ্ট।
শেহতীয়াকৈ নেহা কক্কৰক মুম্বাই বিমানবন্দৰত পৰিয়ালৰ সৈতে দেখা গৈছিল। তাতো নাছিল স্বামী ৰোহনপ্ৰীত সিং। পাপাৰাজীয়ে নেহাক আৰু তেওঁৰ পৰিয়ালক তেওঁলোকৰ কেমেৰাত ক্লিক কৰিবলৈ ধৰিলে। ইফালে যেতিয়া পাপাৰাজীয়ে নেহা কক্কৰৰ লগত কথা পাতিবলৈ চেষ্টা কৰিছিল, তেতিয়া নেহাই খৰধৰকৈ গুচি গৈছিল।
অনুৰাগীসকলে নেহা আৰু ৰোহনপ্ৰীতৰ সংসাৰখন যেন ঠিকে থাকে তাৰে আশা কৰিছে।
Continue Reading
