ডিজিটেল ডেস্কঃ জ্ঞান, প্ৰজ্ঞা, সমৃদ্ধি আৰু সৌভাগ্যৰ দেৱতা ভগৱান গণেশৰ উৎসৱ কাইলৈ অৰ্থাৎ ৩১আগষ্টত উদযাপন হ'ব। কাইলৈ সমগ্ৰ দেশজুৰি গণেশ চতুৰ্থী পালন কৰা হ'ব। ভাদ্ৰপদ মাহৰ শুক্ল পক্ষৰ চতুৰ্থী তিথি অতি গুৰুত্বপূৰ্ণ বুলি ধৰা হয়। এই তাৰিখটো ভগৱান গণেশৰ নামত উচৰ্গা কৰা হৈছে, এই দিনটোতে গণপতি বাপ্পাৰ জন্মদিন উদযাপন কৰা হয়। হিন্দু শাস্ত্ৰ অনুসৰি গণপতি বাপ্পাৰ জন্ম হৈছিল ভাদ্ৰপদ মাহৰ শুক্ল পক্ষ চতুৰ্থী তিথিত।
গণেশ চতুৰ্থীৰ পৰা আৰম্ভ হোৱাৰ পিছত সম্পূৰ্ণ ১০ দিনৰ বাবে গণেশ উৎসৱ উদযাপন কৰা হয়। গণেশ চতুৰ্থী তিথিৰ দিনা মানুহে শুভ সময়ত ভগৱান গণেশক নিজৰ ঘৰত প্ৰতিষ্ঠা কৰে। ভক্তসকলে ১০ দিন ৰীতি-নীতি অনুসৰি বিঘ্নহৰ্ত গণেশক পূজা কৰে আৰু দশম দিনা তেওঁৰ মূৰ্তি পবিত্ৰ নদী, হ্ৰদ বা সাগৰত বিসৰ্জন কৰে।
ভাৰতত গণেশোৎসৱ অতি ধুমধামেৰে পালন কৰা হয়। গণেশ চতুৰ্থীৰ মহিমা সকলোতে দেখা যায়। গণেশ চতুৰ্থীৰ দিনা ব্ৰত ৰাখি মানুহে তেওঁক পূজা কৰে।
গণেশৰ বাহন নিগনি। গণেশ চতুৰ্থীৰ দিনা নিগনি দেখিলে কি হয় জানেনে?
গণেশ চতুৰ্থীৰ দিনা যদি নিগনি এটা ঘৰৰ পৰা ওলাই যোৱা দেখা পায়, তেন্তে ই শুভ লক্ষণ। জ্যোতিষশাস্ত্ৰৰ মতে, নিগনি ওলাই যোৱা দেখা মানে নিগনিটোৱে ঘৰখনৰ দৰিদ্ৰতা, অপায়-অমংগল নিজৰ লগত লৈ যায় আৰু ঘৰখনত এৰি থৈ যায় সুখ, শান্তি আৰু সমৃদ্ধি।
Continue Reading
