ডিজিটেল ডেস্কঃ গোলকগঞ্জত ১৬ টা গোনা ম'হ জব্দ। জব্দকৃত ট্ৰাকৰ পৰা ১৬ টা গোনা ম'হ উদ্ধাৰ কৰে আৰক্ষীয়ে। চালক আৰু হেণ্ডিমেনক আটক।
গোলকগঞ্জ আৰক্ষীৰ অভিযানত গৌৰাং বজাৰৰ ৰাষ্ট্ৰীয় ঘাইপথৰ পৰা ট্ৰাকসহ গোনা ম'হ জব্দ। বহি: ৰাজ্য পশ্চিমবঙ্গৰ পৰা আলুৰ বস্তাৰ আৰত ষোল্লটাকৈ গোনা মহ AS 01 KC / 9887 নম্বৰৰ ট্ৰাকেৰে গোৱালপাৰাৰ লক্ষীপুৰ অভিমুখে গৈ আছিল। গোলকগঞ্জ থানাৰ ভাৰপ্ৰাপ্ত বিষয়া নৱজিৎ ৰায়ে গোপন সূত্ৰৰ ভিত্তিত গোলকগঞ্জৰ গৌৰাং বজাৰৰ ৰাষ্ট্ৰীয় ঘাইপথত ট্ৰাকখন জব্দ কৰে।
বাহনখনত ম'হ থকা বুলি নিশ্চিত হোৱাত চালক আৰু হেণ্ডিমেনক আটক কৰে। আনহাতে ট্ৰাকখন আৰক্ষী থানালৈ আনি তালাচী চলাই আলুৰ বস্তাৰ আঁৰত ষোল্লটা ম'হ উদ্ধাৰ কৰে।
ধৃত ট্ৰাকচালক পোকালাগীৰ দেলৱাৰ হুচেইন আৰু হেণ্ডিমেন ছাগলীয়াৰ ৰয়েল হুচেইন।
Continue Reading
