গোলাপ দিৱস কিয় উদযাপন কৰা হয় আৰু ইয়াৰ আঁৰৰ কাহিনী কি?

ডিজিটেল ডেস্কঃ আজিৰ নৱ-প্ৰজন্মৰ মাজত ভেলেণ্টাইন সপ্তাহ উদযাপনৰ সংস্কৃতি বৃদ্ধি পাবলৈ ধৰিছে। আজিৰে পৰা অৰ্থাৎ ৭ ফেব্ৰুৱাৰীৰ পৰা আৰম্ভ কৰি ১৪ ফেব্ৰুৱাৰীলৈকে ‘প্ৰেমসপ্তাহ’ হিচাপে পালন কৰা হয়। সেয়েহে এই প্ৰেমৰ সপ্তাহটোত বজাৰত ৰঙা, হালধীয়া, বগা আৰু গুলপীয়া গোলাপেৰে ভৰি থকা দেখিবলৈ পোৱা যায়। গোলাপ দিৱস ত ইজনে-সিজনৰ সন্মুখত গোলাপ দি তেওঁলোকৰ অনুভূতি প্ৰকাশ কৰে। গোলাপ ফুলক অনুভূতি প্ৰকাশৰ প্ৰতীক বুলি গণ্য কৰা হয়। বিশ্বাস কৰা হয় যে মোগল বেগম নুৰ জাহানে ৰঙা গোলাপ বহুত ভাল পাইছিল। জনা যায় যে নুৰজাহানৰ হৃদয়ক সন্তুষ্ট কৰিবলৈ, তেওঁৰ স্বামীয়ে প্ৰতিদিনে টন অনুসৰি তেওঁৰ ৰাজপ্ৰাসাদলৈ সতেজ গোলাপ প্ৰেৰণ কৰিছিল। আন এক বিশ্বাস অনুসৰি মহাৰাণী ভিক্টোৰিয়াৰ সময়ত মানুহে তেওঁলোকৰ অনুভূতি প্ৰকাশ কৰিবলৈ গোলাপৰ আদান-প্ৰদানৰ পৰম্পৰা আৰম্ভ কৰিছিল। সেয়েহে এইটো বিশ্বাস কৰা হয় যে ভিক্টোৰিয়ান আৰু ৰোমানসকলেও গোলাপ ফুলৰে তেওঁলোকৰ প্ৰেম প্ৰকাশ কৰিছিল। ৰঙৰ বিশেষত্ব অনুসৰি গোলাপ ফুলৰ অৰ্থ বেলেগ বেলেগ হয়- ৰঙা গোলাপঃ ৰঙা গোলাপক প্ৰেম, আৱেগ প্ৰতীক বুলি গণ্য কৰাৰ বিপৰীতে ৰঙা গোলাপৰ আছে অন্য এটা বিশেষত্ব। ইয়াক আপুনি আপোনাৰ সন্মুখৰ ব্যক্তিজনক অনুভৱ কৰায় যে আপুনি তেওঁলোকক কিমান ভাল পায়। হালধীয়া গোলাপঃ হালধীয়া গোলাপক বন্ধুত্বৰ প্ৰতীক বুলি গণ্য কৰা হয়। যদি আপুনি আপোনাৰ বন্ধুবৰ্গক ভালপাওঁ বুলি ক’ব বিচাৰে তেন্তে তেওঁলোকক হালধীয়া গোলাপ ফুল দিব পাৰে। হালধীয়া ৰং সুখ আৰু সুস্বাস্থ্যৰ প্ৰতীক বুলি জনা যায়। বগা গোলাপঃ বগা গোলাপ দিয়া হয় যেতিয়া আপুনি কাৰোবাৰ সৈতে যথেষ্ট কাজিয়া কৰে, কিন্তু এতিয়া আপুনি সকলো পাহৰি যাব বিচাৰে আৰু আপোনাৰ সম্পৰ্কক এক নতুন ধৰণে আৰম্ভ কৰিব বিচাৰে। ইয়াৰ উপৰি বগা গোলাপক শান্তিৰ প্ৰতীক বুলিও গণ্য কৰা হয়। গোলপীয়া গোলাপঃ ভেলেণ্টাইন দিৱস কেৱল প্ৰেমিক-প্ৰেমিকা বা দম্পতীসকলৰ বাবে নহয়। আপুনি ইয়াক আপোনাৰ পিতৃ-মাতৃৰ সৈতেও উদযাপন কৰিব পাৰে। এনে পৰিস্থিতিত গোলাপ দিৱসৰ দিনা আপুনি তেওঁলোকক গুলপীয়া গোলাপ ফুল দিব পাৰে। কাৰোবাক ধন্যবাদ জনাবলৈ গুলপীয়া গোলাপ দিয়া হয়। কমলা গোলাপ বা অ’ৰেঞ্জ গোলাপঃ গোলাপৰ এই ৰঙে আৱেগৰ প্ৰতীকক বুজায়। কমলা ৰঙৰ গোলাপে উৎসাহ, আকাংক্ষা প্ৰতিফলিত কৰে। দম্পতীসকলে তেওঁলোকৰ প্ৰেমত উৎসাহ অনাৰ প্ৰতীক হিচাপে কমলা গোলাপ দিব পাৰে।