ডিজিটেল ডেস্কঃ গোপনে বিবাহপাশত আৱদ্ধ হ’ল জনপ্ৰিয় অভিনেত্ৰী তাপসী পান্নু। যোৱা কেইদিনমানৰ পৰা সংবাদ মাধ্যমে দাবী কৰি আছিল যে তাপসীয়ে দীৰ্ঘদিনীয়া প্ৰেমিক মাথিয়াছ ব’ক বিয়া কৰাব। এতিয়া খবৰ আহিছে যে তাপসীয়ে উদয়পুৰত গোপনে বিয়া পাতিছে। ২৩ মাৰ্চত তাপসীয়ে মাথিয়াছ ব’ৰ সৈতে বিবাহপাশত আবদ্ধ হৈছিল।
পৰিয়ালৰ সদস্য আৰু ঘনিষ্ঠ বন্ধুৰ উপস্থিতিত তাপসী আৰু প্ৰাক্তন অলিম্পিক পদক বিজয়ী মাথিয়াছ ব’ৰ বিবাহ হয়। জানিব পৰা মতে ২০ মাৰ্চৰ পৰা আৰম্ভ হৈছিল অভিনেত্ৰীগৰাকীৰ বিয়াৰ অনুষ্ঠান।
সংবাদ মাধ্যমৰ দৃষ্টি আকৰ্ষণ বিচৰা নাছিল নৱ দম্পতীয়ে। সেয়ে সংবাদ মাধ্যম আৰু লাইমলাইটৰ পৰা আঁতৰি থাকি গোপনে বিয়াৰ অনুষ্ঠানৰ আয়োজন কৰিছিল তাপসী আৰু মেথিয়াছে।
খবৰ অনুসৰি তাপসীয়ে তেওঁৰ বিয়ালৈ কেৱল তেওঁৰ ঘনিষ্ঠ বন্ধু অনুৰাগ কাশ্যপ আৰু কণিকা ধিলনক নিমন্ত্ৰণ কৰিছিল।
Continue Reading
