ডিজিটেল ডেস্কঃ লোকসভা নিৰ্বাচনৰ প্ৰাৰ্থীৰ পঞ্চম তালিকা প্ৰকাশ কৰিলে বিজেপিয়ে। দেশৰ মুঠ ১১১টা সমষ্টি দেওবাৰে ঘোষণা কৰা হয়। বলীউডৰ অভিনেত্ৰী কংগনা ৰানাউট আৰু ক্ষুদ্ৰ পৰ্দাৰ অভিনেতা অৰুণ গোভিলও এই তালিকাত আছে। মন কৰিবলগীয়া যে অৰুণে এসময়ত সৰু পৰ্দাৰ ৰামায

Listen to Article

2 min read

80%

ডিজিটেল ডেস্কঃ লোকসভা নিৰ্বাচনৰ প্ৰাৰ্থীৰ পঞ্চম তালিকা প্ৰকাশ কৰিলে বিজেপিয়ে। দেশৰ মুঠ ১১১টা সমষ্টি দেওবাৰে ঘোষণা কৰা হয়। বলীউডৰ অভিনেত্ৰী কংগনা ৰানাউট আৰু ক্ষুদ্ৰ পৰ্দাৰ অভিনেতা অৰুণ গোভিলও এই তালিকাত আছে। মন কৰিবলগীয়া যে অৰুণে এসময়ত সৰু পৰ্দাৰ ৰামায়ণ টেলি ধাৰাবাহিকত অভিনয় কৰি জনপ্ৰিয়তা অৰ্জন কৰিছিল।

কংগনাই পদ্মপ্ৰতীকত হিমাচল প্ৰদেশৰ মাণ্ডী আসনৰ পৰা প্ৰতিদ্বন্দ্বিতা আগবঢ়াইছে। উত্তৰ প্ৰদেশৰ মীৰুট কেন্দ্ৰৰ পৰা অৰুণক এই টিকট দিয়া হৈছে। কংগনাই নিজৰ এক্স (পূৰ্বৰ টুইটাৰ) হেণ্ডেলত প্ৰাৰ্থী হিচাপে নাম ঘোষণা কৰাৰ লগে লগে বিজেপিৰ শীৰ্ষ নেতৃত্বক ধন্যবাদ জনাই এটা পোষ্ট কৰে।

কংগনাই লিখে- ''মোৰ মৰমৰ ভাৰত আৰু ভাৰতীয় জনতাৰ নিজৰ দল- ভাৰতীয় জনতা পাৰ্টিৰ প্ৰতি সদায় মোৰ নিঃচৰ্ত সমৰ্থন আছে, আজি বিজেপিৰ ৰাষ্ট্ৰীয় নেতৃত্বই মোক মোৰ জন্মস্থান হিমাচল প্ৰদেশ, মাণ্ডী (সমষ্টি)ৰ পৰা তেওঁলোকৰ লোকসভা প্ৰাৰ্থী হিচাপে মোক ঘোষণা কৰিছে। আনুষ্ঠানিকভাৱে দলত যোগদান কৰি মই সন্মান আৰু উল্লাসিত অনুভৱ কৰিছো। মই এজন যোগ্য কৰ্মকৰ্তা আৰু এজন নিৰ্ভৰযোগ্য জনসেৱক হ'বলৈ আগ্ৰহী।’’

পিলভিটত এইবাৰ বৰুণ গান্ধীক টিকট নিদিলে বিজেপিয়ে। তেওঁৰ সলনি সেই আসনৰ পদ্ম প্ৰাৰ্থী হৈছে প্ৰাক্তন কংগ্ৰেছ নেতা জিতীন প্ৰসাদ। অৱশ্যে বৰুণে টিকট নাপালেও পুনৰ নিজৰ পুৰণি সমষ্টি চুলতানপুৰৰ পৰা মনোনীত হ’ল মনেকা গান্ধী। ৱায়ানাডত ৰাহুল গান্ধীৰ বিৰুদ্ধে প্ৰতিদ্বন্দ্বিতা কৰিছে কেৰেলা বিজেপিৰ সভাপতি কে সুৰেন্দ্ৰনে।