গৰৈমাৰীৰ জোৰশিমুলীত ৬ টাকৈ ড্ৰাগছ কণ্টেইনাৰসহ ড্ৰাগছ সৰবৰাহকাৰীক আটক

ডিজিটেল ডেস্কঃ  ৰাজ্যত ৭৯ সংখ্যক স্বাধীনতা দিৱসৰ দিনা আৰক্ষীৰ কটকটীয়া নিৰাপত্তা বেষ্টনীৰ মাজতে বৃহৎ পৰিমাণৰ ড্ৰাগছসহ এজন সৰবৰাহকাৰী ধৰা পৰিল ৰাইজৰ হাতত।

আজিৰ দিনটোত এই ঘটনাক কেন্দ্ৰ কৰি সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি হৈছে।

দক্ষিণ কামৰূপৰ গৰৈমাৰীৰ জোৰশিমুলীত ৰাইজৰ হাতত ধৰা পৰিল ড্ৰাগছ সৰবৰাহকাৰীটো।

ধৃত ড্ৰাগছ সৰবৰাহকাৰীটো নিজ কাঠমি গাঁৱৰ মোজাম্মিল হক বুলি জানিব পৰা গৈছে।

আটকাধীন ড্ৰাগছ সৰবৰাহকাৰীটোৰ পৰা ৰাইজে ৬ টাকৈ ড্ৰাগছ ভৰ্তি কণ্টেইনাৰ জব্দ কৰিবলৈ সক্ষম হৈছে।

এই ঘটনাৰ খবৰ পাই জোৰশিমুলী আৰক্ষী চকীৰ ভাৰপ্ৰাপ্ত আৰক্ষী বিষয়া পংকজ দাস উপস্থিত হয় ঘটনাস্থলীত।

পিছত ৰাইজে ধৃত ড্ৰাগছ সৰবৰাহকাৰী মোজাম্মেল হকক ড্ৰাগছ কণ্টেইনাৰসহ আৰক্ষীক চমজাই দিয়ে।

আটকাধীন ড্ৰাগছ সৰবৰাহকাৰীজন সম্প্ৰতি জোৰশিমুলী আৰক্ষীয়ে জিম্মাত লৈ জেৰা অব্যাহত ৰাখিছে।