গৰৈমাৰীত চাঞ্চল্যকৰ হত্যাকাণ্ড! কলেজীয়া ছাত্ৰীক হত্যা কৰিলে প্ৰেমিকে

ডিজিটেল ডেস্কঃ  গৰৈমাৰীত সংঘটিত হৈছে এক চাঞ্চল্যকৰ হত্যাকাণ্ড। কলেজীয়া ছাত্ৰীক হত্যা কৰিলে প্ৰেমিকে।

দক্ষিণ কামৰূপৰ গৰৈমাৰীৰ জোৰশিমুলী আৰক্ষী চকীৰ এলেকাধীন চৌধুৰীপামত চাঞ্চল্যকৰ হত্যাকাণ্ড। কলেজীয়া ছাত্ৰী খাইৰুণ নেছাক হত্যা কৰিলে প্ৰেমিকে।

চৌধুৰীপাম গাঁৱৰ আব্দুল খালেকৰ জীয়ৰী খাইৰুণ নেছাৰ লগত সংঘটিত হৈছে এই ভয়ংকৰ ঘটনা।

দিন দুপৰতে ডেগাৰেৰে ঘপিয়াই হত্যা কৰি পলায়ন কৰিলে হত্যাকাৰী নুৰুল ইছলাম ওৰফে আশিক।

প্ৰেমজনিত কাৰণত গৰৈমাৰীৰ বালাগাঁও চৰৰ লম্পট যুৱক নুৰুল ইছলামে খাইৰুন নেছাক হত্যা কৰাৰ অভিযোগ স্থানীয় ৰাইজৰ।

জানিব পৰা মতে, খাইৰুণ নেছা নামৰ যুৱতীগৰাকী সোণতলী আঞ্চলিক মহাবিদ্যালয়ৰ স্নাতক প্ৰথম ষাণ্মাষিকৰ ছাত্ৰী।

ঘটনাস্থলীত ইতিমধ্যে উপস্থিত হৈছে জোৰশিমুলী আৰু ছয়গাঁও আৰক্ষীৰ দল।

জোৰশিমুলী আৰক্ষীয়ে আৰম্ভ কৰিছে ছাত্ৰী খাইৰুন নেছা হত্যাৰ তদন্ত।

এই ঘটনাক কেন্দ্ৰ কৰি সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি হৈছে।