ডিজিটেল ডেস্কঃ গুজৰাটৰ বদোদৰাত সংঘটিত হৈছে এক বৃহৎ দুৰ্ঘটনা।বদোদৰাৰ হৰণি পুখুৰীত বাগৰি পৰে এখন নাও।ঘটনাৰ সময়ত নাওখনত আছিল ২৩ জন ছাত্ৰ-ছাত্ৰী আৰু চাৰিজন শিক্ষক।বৰ্তমান মৃত্যুৰ সংখ্যা ১৬ জনলৈ বৃদ্ধি পাইছে। এই সন্দৰ্ভত আৰক্ষীয়ে তথ্য প্ৰদান কৰিছে। নাওখনত ২৩ গৰাকী ছাত্ৰ-ছাত্ৰী আৰু চাৰিজন শিক্ষক আছিল। বৰ্তমানলৈকে ৮ জন লোকক উদ্ধাৰ কৰা হৈছে। চাৰিৰ পৰা পাঁচজন লোক এতিয়াও সন্ধানহীন হৈ আছে। ঘটনাস্থলীত উদ্ধাৰৰ কাম চলি আছে। নাওখনৰ ক্ষমতা ১৪ জন লোকৰ বাবে আছিল যদিও ২৭ জনতকৈ অধিক লোকক নাওখনত উঠাই দিয়া হয়। পুখুৰীটোৰ ৰক্ষণাবেক্ষণৰ কাম এটা ব্যক্তিগত কোম্পানীৰ হাতত। মুখ্যমন্ত্ৰী ভূপেন্দ্ৰ পেটেলে মৃতকৰ পৰিয়ালক ৪ লাখ টকা আৰু আহতসকলৰ বাবে ৫০ হাজাৰ টকা ক্ষতিপূৰণ দিয়াৰ কথা ঘোষণা কৰিছে।
আটাইকেইজন ছাত্ৰ-ছাত্ৰী বদোদৰাৰ এখন বিদ্যালয়ৰ। উদ্ধাৰৰ কাম আৰম্ভ কৰা হৈছে। গুৰুতৰভাৱে আহত হোৱা ছাত্ৰ-ছাত্ৰীক চিকিৎসালয়লৈ স্থানান্তৰ কৰা হৈছে। সেই স্থানত উপস্থিত হৈছে ১০খনতকৈও অধিক এম্বুলেঞ্চ। ঘটনা সন্দৰ্ভত তথ্য পোৱাৰ লগে লগে উদ্ধাৰকাৰী দলটোও তাত উপস্থিত হয়।
এ বি পি অস্মিতাৰ মতে এই আটাইকেইজন ছাত্ৰ-ছাত্ৰী বদোদৰাৰ নিউ ছানৰাইজ স্কুলৰ আছিল যিসকল ইয়ালৈ ভ্ৰমণৰ বাবে আহিছিল। পোহৰলৈ আহিছে যে নাওখনৰ ক্ষমতাতকৈ অধিক লোকে নাওখনত উঠিছিল, সেয়েহে এই কাণ্ড সংঘটিত হৈছে। নাওখনত থকা কোনো এজন ছাত্ৰ-ছাত্ৰী আৰু শিক্ষকে লাইফ জেকেট পিন্ধা নাছিল।
Continue Reading
