ডিজিটেল ডেস্কঃ ২০২৪ চনৰ ২২ জানুৱাৰীত সমগ্ৰ ভাৰতবৰ্ষত অযোধ্যাত ৰাম লাল্লাৰ অভিষেক অনুষ্ঠান উদ্যাপন কৰা হৈছে। ভাৰতৰ বহু স্থানত এই দিনটোত বন্ধৰ দিন ঘোষণা কৰা হৈছে। কেৱল এয়াই নহয়, কেন্দ্ৰীয় কৰ্মচাৰীসকলৰ বাবেও আধা দিনৰ ছুটীৰ ঘোষণা কৰিছে চৰকাৰে। ইফালে ভাৰতীয় ৰিজাৰ্ভ বেংক সন্দৰ্ভত এটা ডাঙৰ খবৰ ওলাইছে, য’ত কোৱা হৈছে যে আৰ বি আইয়ে ২২ জানুৱাৰীত ৫০০ টকীয়া নোটত ভগৱান ৰামৰ ফটো সম্বলিত নোট প্ৰকাশ কৰিব। ৰাইজেও এই উৰাবাতৰি প্ৰচাৰ কৰিবলৈ আৰম্ভ কৰিছে যে কেৱল ভগৱান ৰামৰ ফটো নহয়, ৰাম মন্দিৰৰ ফটোও সন্নিৱিষ্ট কৰা হ’ব। ভগৱান শ্ৰীৰামৰ ছবি থকা এই ৫০০ টকীয়া নোটৰ ফটো ছ’চিয়েল মিডিয়াত ভাইৰেল হৈ পৰিছে।
ছ’চিয়েল মিডিয়াত ভাইৰেল হোৱা এই ৫০০ টকীয়া নোটত আছে জাতিৰ পিতা মহাত্মা গান্ধীৰ ছবিৰ ঠাইত ভগৱান শ্ৰীৰামৰ ছবি আৰু লালকিল্লাৰ ফটোৰ ঠাইত ৰাম মন্দিৰৰ এখন ছবি আছে।
এফালে এই নোট ভাইৰেল হৈ আছে যদিও ভাৰতীয় ৰিজাৰ্ভ বেংকৰ দ্বাৰা প্ৰভু শ্ৰীৰামৰ ছবি থকা ৫০০ টকীয়া নোটৰ নতুন ধাৰাবাহিক প্ৰচাৰ সন্দৰ্ভত কোনো তথ্য পোহৰলৈ অহা নাই। সূত্ৰ অনুসৰি ভগৱান শ্ৰীৰামৰ ছবিৰে ভাইৰেল হোৱা ৫০০ টকীয়া নোট ভুৱা। বেংকিং খণ্ডৰ বিশেষজ্ঞ তথা ভইচ অৱ বেংকিঙৰ প্ৰতিষ্ঠাপক অশ্বিনী ৰাণাই কয় যে, এনে কোনো ঘোষণা কৰা হোৱা নাই আৰু আৰ বি আইৰ দ্বাৰা কোনো তথ্য দিয়া হোৱা নাই।ৰাণাই কয় যে এইটো এটা ভুৱা বাতৰি। আৰ বি আইয়ে এনে কোনো নতুন ৫০০ টকীয়া ছিৰিজ নোট জাৰি কৰিবলৈ যোৱা নাই।
Continue Reading
