ডিজিটেল ডেস্ক: গুজৰাটৰ মুখ্যমন্ত্ৰী হিচাপে আজি শপতগ্ৰহণ কৰিব ভূপেন্দ্ৰ পেটেলে৷ গুজৰাটৰ বিধায়িনী দলৰ নেতা ভূপেন্দ্ৰ পেটেলে আজি প্ৰধানমন্ত্ৰী মোদীৰ উপস্থিতিত গুজৰাটৰ মুখ্যমন্ত্ৰী হিচাপে দ্বিতীয়টো কাৰ্যকালৰ বাবে শপতগ্ৰহণ কৰিব৷
বিজেপি সূত্ৰই প্ৰকাশ কৰা তথ্য অনুসৰি, দিনৰ ২ বজাত গান্ধীনগৰৰ নতুন সচিবালয়ৰ সমীপৰ হেলিপেড খেলপথাৰত অনুষ্ঠিতব্য এই শপতগ্ৰহণ অনুষ্ঠানে পেটেলে ৰাজ্যখনৰ ১৮সংখ্যক মুখ্যমন্ত্ৰী হিচাপে শপত ল’ব৷ উপস্থিত থাকিব প্ৰধানমন্ত্ৰী মোদীৰ উপৰি কেন্দ্ৰীয় গৃহমন্ত্ৰী অমিত শ্বাহ আৰু বিজেপিশাসিত ৰাজ্যসমূহৰ মুখ্যমন্ত্ৰীসকল৷
পেটেলৰ লগতে একাংশ নতুন মন্ত্ৰীয়েও আজি শপত লোৱাৰ সম্ভাৱনা আছে৷ উল্লেখযোগ্য যে সদ্যসমাপ্ত গুজৰাট বিধানসভাৰ নিৰ্বাচনত বিজেপিয়ে অভিলেখসংখ্যক ১৫৬খন আসন লাভ কৰি ক্ৰমাগত সপ্তমবাৰৰ বাবে জয়লাভ কৰে৷
Continue Reading
