ডিজিটেল ডেস্কঃ গুজৰাটৰ গোধৰা জিলাৰ পঞ্চমহল অঞ্চলৰ পৰা নিৰুদ্দেশ হোৱা এগৰাকী মহিলা কলকাতাত ১১ বছৰ ধৰি ক’মা অৱস্থাত থাকিল। হঠাতে মহিলাগৰাকী চেতন অৱস্থালৈ ঘূৰি আহিল। ২০১৩ চনত নিৰুদ্দেশ হোৱা এই মহিলাগৰাকীৰ নাম গীতা বৰিয়া আৰু সময়ৰ লগে লগে তেওঁ উভতি অহাৰ আশা হেৰুৱাই পেলাইছিল পৰিয়ালৰ লোকে। অৱশেষত আৰক্ষীৰ সহযোগত মহিলাগৰাকীয়ে গোধৰাৰ দুৰ্গম গাঁও ভামাইয়াত বাস কৰা পৰিয়ালৰ সৈতে সাক্ষাৎ কৰিবলৈ সক্ষম হব মহিলাগৰাকী।
পৰিদৰ্শক প্ৰবীণ অশোদাই জনোৱা মতে বৃহস্পতিবাৰে (১৫ ফেব্ৰুৱাৰী) এজন আৰক্ষী বিষয়াৰ সৈতে পৰিয়ালটো ৰে’লযোগে কলকাতালৈ যাব। মানৱীয়তাৰ দোহাই দি জিলা প্ৰশাসনে তেওঁলোকৰ ভ্ৰমণৰ ব্যৱস্থা কৰিছে। আনুষ্ঠানিকতা সম্পূৰ্ণ হোৱাৰ পিছত গীতা বৰিয়াক পুনৰ নিজৰ গাঁৱলৈ লৈ উভতিব পৰিয়ালটো।
১০ ফেব্ৰুৱাৰীত কলকাতাৰ পাভলভ ইনষ্টিটিউটৰ এগৰাকী চিকিৎসকে পঞ্চমহল জিলা আৰক্ষী নিয়ন্ত্ৰণ কক্ষত উপস্থিত হৈ গীতাৰ বিষয়ে অৱগত কৰে। আৰক্ষীৰ সহায়ত চিকিৎসালয়খনে গাঁওখনৰ লগতে পৰিয়ালৰ সবিশেষ পৰীক্ষা কৰে। যোগাযোগ স্থাপন কৰাৰ পিছত চিকিৎসকে গীতা আৰু তেওঁৰ পৰিয়ালৰ সৈতে ভিডিঅ’ কলৰ ব্যৱস্থা কৰে। ২০১৩ চনত এখন পাৰিবাৰিক বিয়াৰ সময়ত নিৰুদ্দেশ হৈছিল গীতা। আৰক্ষীয়ে জানিবলৈ চেষ্টা কৰিছে যে তেওঁ কেনেকৈ কলকাতা পাইছিল আৰু এই বছৰবোৰত তেওঁৰ অভিজ্ঞতা কেনেকুৱা আছিল।
গীতাৰ তিনিটা সন্তান আছে য'ত আছে ২ জন পুত্ৰ আৰু এজনী কন্যা। কেইবছৰমান আগতে গীতাৰ স্বামীৰ মৃত্যু হৈছিল।
Continue Reading
